「一句說話分辨你是否港島人」 笑爆區外人！住港島人未見過綠色的士、出旺角會蕩失路？｜網絡熱話

撰文：WM丨圖片：劇照，Pexels｜資料來源：FB@李拾壹

一句說話分辨你是否港島人 住港島出旺角會蕩失路？

1.「過海？唔啦！」

對於港島人來說，「過咗海就係神仙」這句說話似乎並不適用。港島人就算一世在港島生活，也非常心滿意足。而且港島的每個地鐵站間距其實都十分近，就算行路都能夠去到下個站。（某些站除外），所以要他們過海，就如叫的士佬車你過海一樣難！

2.「我真係未見過綠色的士」

對於港島人來說，的士他們只會見過紅色的士，因為很少可在港島區會有綠色的士出現，除非綠的穿越咗結界吧！而紅的就唔同啦，紅的活躍於港九新界，可以算得上是全港一條龍服務最足的的士，不過，的士佬都係唔鍾意過海的！

3.去親旺角都蕩失路

對於港島人不過海的說法，其延伸就是不太熟九龍新界的架步。而身為人口密集到限聚令都幫唔到手的旺角，其人多路複雜，令到一名未出過九龍的「港島仔」很容易就迷失於旺角，「從那天起我不辨別前後，從那天起我竟調亂左右」就是講緊佢哋！

4.「搭叮叮咪得囉」

「叮叮」即是電車的意思，而不少港島人都會選擇以電車作為代步工具。而炎炎夏日坐上電車，雖然會十分熱，但有時慢悠悠地坐著電車游港島，也是他們的一種浪漫。而新界人也只能夠假日騎住牛在屯門公路上遊玩。

5.「跟住條電車軌就可以返到屋企」

於港島的一大特色就是其電車，因為電車為港島獨有的交通工具。而電車路軌亦是遍佈整個港島。有網民就指自己母親叫自己回家的話只要跟住電車軌行，就可以到達目的地！對於不懂用Google Map的居民來說，該土炮方法十分有用！

6.「搵日過開大圍，順便入大尾篤搵你。」

何基佑都有留言分享，指新界對於港島人來說是十分神秘，其往返的路程夠你去一轉台灣。而「大圍」和「大埔」都屬於新界領土，所以港島人時不時都會搞錯兩個地方！以為大尾篤是位於大圍，而非大埔。同為新界，不用分那麼細啦！

7.「輕鐵好難搭啊」

雖然港島人有專屬電車，不過住元屯天的新界朋友仔都唔輸蝕！因為他們有「輕鐵」，輕鐵的路線都十分錯綜複雜，港島人第一次搭輕鐵會感受到去日本的感覺。所以如果疫情期間想再返一下「鄉下」，不妨都去屯元天感受一下！

8.「葵芳啲嘢真係好平」

作為平買勝地「葵廣」，其當中就如一個台灣地下街一樣，所售賣的產品都十分便宜，更是學生最愛去的勝地。而且「葵廣」更加是食嘢勝地，冇得好似港島是但搵個Cafe 畀百幾元Chill一下，只能夠企係側邊食完一串豬大腸跟住走去買杯果汁飲一飲！

撰文：WM丨圖片：劇照，Pexels｜資料來源：FB@李拾壹