住港島好處｜港人力數港島最好住3大原因：交通完勝九龍、新界｜玩樂熱話

港人激辯港島比九龍及新界好住！

樓主大讚港島人比較有教養和斯文，相反去到九龍新界上扶手電梯，經常有人企左邊阻路，又經常見到有人當街除口罩食煙，「唔係話所有九龍新界人都咁冇品冇教養，只係對比起港島人平均嚟講真係差好遠」。

港島樓盤比較多元化和有特色

樓主覺得港島的住所比較多元化和有特色，「雖然港島嘅樓係普遍舊啲，但係唔少嘅樓都唔使畀地租，仲有去親九龍新界(特別係新界)，見到啲樓之後有種冇咩文化嘅感覺，九龍新界好多樓都係千篇一律」。

港島返工慳時間、滿足生活所需

樓主假設如果住港島，返工亦在港島區，可以慳時間，交通費都比較便宜，「由港島東去港島西都唔使一個鐘，甚至灣仔去金鐘都只係3個字左右，九龍新界(特別係新界)有時要轉車，塞隧道」。另外，港島基本上滿足生活所需，「要買嘢就去銅鑼灣，返工就去中環、金鐘、灣仔，想散下心可以去香港仔薄扶林，又有好多山可以行」。

好多九龍地方愈來愈差

有網民認同港島交通好方便，小西灣好多巴士的頭站都在小西灣，搭巴士一定有位坐。樓主續指「真係諗唔明點解咁多人會住九龍新界，特別係新界，出入有時要經屯門公路、大欖隧道，又耐又貴，我極度懷疑佢哋落咗車仲要再轉車，好唔方便」，有網民覺得有好多九龍地方愈來愈差，「最窮地區都係九龍、深水埗 、觀塘，你會揀嚟住？」。

網民：中環返工食餐飯都煩過人

不過有網民覺得港島除了南區，其餘地方好污糟，「港島比較有修養，我笑而不語，揸開車你就知最要小心就係港島人，啲人個牌大部份淘寶返嚟，X人極多，上大山都冇港島咁危險」。另外亦有網民覺得在港島返工好麻煩，「自問好憎中環返工，食餐飯都煩過人，返工我覺得返九龍區好啲，住我覺得西貢或D-bay，好就係有叮叮，景靚同校網。另外，港島冇乜靚女，可能普遍空氣差」。

資料來源：連登討論區