港媽帶小朋友齊逃票入博物館 事後更囂張反駁！網民怒轟教壞細路｜網絡熱話

港媽帶小朋友齊逃票入博物館

父母是孩子的一面鏡子，無論是好榜樣或是壞榜樣，小孩都會有樣學樣。一名幼稚園兒童的家長在Facebook專頁「生仔要考牌系列」投稿，她指她是一名K1兒童的家長，在星期六、日或放假時都會約同學仔的家庭一起出外遊玩，但發現原來世界「真係咩人都有」。

事後更囂張反駁！網民怒轟教壞細路

她表示某次相約其他同學仔及家長，到一個需要入場費的博物館睇展覽，在到埗後，只見該家長帶同小朋友，經過收費處「直行直過入展館」，行為震驚事主。在事主排完隊畀完錢後，便入場走到她的身旁，提醒該位港媽需要買飛入場，誰料該家長竟囂張笑言：「免費睇唔係仲好咩？」事主心中即時打個突，心想「你個囡喺旁邊見住你咁做，唔怕會教壞啲小朋友咩？」

港媽另一行為被網民狠批傷害小孩自尊心

在該次事件後，投稿的港媽決定與該位家長保持距離，並不再邀請她一同參與其他活動。不過在某一次免費聽故事做手工的活動，又再遇到該位家長，是次活動指定用環保物料整手工，只見她的小朋友玩得好投入，但一走出活動場地，該位媽媽便即時問「有冇垃圾桶呀？我想即刻掉咗佢，咁污糟，用埋啲垃圾整嘢。」

事主忍唔住口問了一句「呢啲小朋友用心機整嘅作品嚟，你使唔使問吓你囡囡想唔想要返呀？」並指出該些環保紙盒好乾淨，小朋友亦用全新顏色貼紙整了一架好得意嘅車仔，但只換來媽媽轉身走去垃圾桶，仲教個囡「咁污糟，唔好要。」行為令事主慨嘆「大家價值觀咁唔同，真係無謂一齊玩。」

網民看到投稿後就狠批該家長教壞細路，而最大問題是「她不覺得自己有問題」，認為家長應以身作則，人格是由細培養到大，否則到最後承受的只有自己。另外網民也怒轟丟棄小朋友勞作的行為，直言會「好傷佢地心」、「小朋友不被尊重會帶來不好的影響」。

資料來源：Facebook專頁@「生仔要考牌系列」授權