港媽逼乘客讓座畀阿女：啲位係畀小朋友坐！ 網民：咁巴閉搭的士｜網絡熱話
港媽上車要求乘客讓座俾10歲阿女！
有網民於Facebbok專頁「生仔要考牌系列」上投稿，指自己某個星期六搭地鐵上班的路途中，坐在了位於關愛座隔離的普通座位。而事主乘坐的列車抵達尖東站時，見到一家四口上車，當中母親拖住10歲左右的女孩，而外籍爸爸就推住BB車，載著5歲左右的仔仔。
該名母親一上車就拖住女女並指著事主的座位說：「哩度係關愛座，唔該你起身俾我個女坐」，當下令到坐普通位的事主大感疑惑。而另一邊坐普通位的女士就因該名母親的舉動而起身讓座，該名母親就平息了女女冇位坐的怒火。
港媽教壞阿女：成行都係關愛座
當事主不打算繼續理該名母親時，不料她竟開口與自己女兒說：「哩度成行都係priority seats嚟㗎，係for children，not for adults」。令事主都深感不憤反擊指：「其實關愛座只係最側邊嗰兩個，其他嘅都係普通位啵」。不料該名母親再中英夾雜地講:「哩度成行都係priority seats，係俾小朋友，唔係俾你坐㗎！」。
事主忍唔住反擊：未見過咁野蠻嘅人
事主之後再反擊指：「Sorry，哩個真係唔係關愛座。再講，其實任何人有俾錢搭車嘅，都有權去坐每一個位置，唔係剩係俾你個咁大個嘅女女！」。話畢事主就準備到站落車，不料該母親的法藉老公擋住事主去路。事主直言「真係未見過啲咁野蠻嘅人，仲要係做人父母，咁教啲小朋友。」
網民分享經歷：大肚婆都要被逼讓座！
有網民都分享自己的經歷，指自己就算大住肚坐關愛座，都被其他乘客叫起身要讓座，令人十分無語。有網民就直言如果出街搭車一定要有位坐的話，應該帶輪椅出街。而且關愛座從來都不是只有老弱傷殘或孕婦能坐，只是他們有優先的次序可以使用該類座位。
有網民都表示其實小學程度以上的小朋友已經不一定需要座位，除非特殊原因。網民對於該對父母的教養都大感悲哀，認為該對父母沒有給到自己小朋友一個正確的身教。有網民就直言這些時候不應該忍讓，因為道理在事主那一邊。
原文：
資料來源：生仔要考牌系列
