港媽帶4歲女改回程機票變滯留日本！哭訴：未試過去日本去得咁慘｜網絡熱話

港媽帶4歲女遊日 貪快改機票變滯留日本！

宣佈「0+3」檢疫安排後，大量港人都決意衝出國際，首選旅遊地當然是日本啦！不過，除了有人反映日本的零售業還未復蘇外，最近有名港媽，就向《東張西望》報料，鬧爆航空公司安排混亂！事緣港媽鄧太與4歲囡囡，在10月18日飛去日本東京，打算再去大阪玩，回程則買了轉機的機票。後來港媽的家人見到有直航回程的機位，於是便聯絡航空公司改機票。

但在回程前72小時，鄧太想預先辦理登機，但卻一直不成功，於是鄧太打去航空公司，一直都無人接聽。後來鄧太成功聯絡到公司職員，就發現原來有員工出錯，預留鄧太的機位，但卻沒有幫鄧太確認機位。於是鄧太詢問解決辦法，航空職員回答可以乘坐當初的轉機機位，但時間太趕，鄧太已經趕不上飛機。

港媽哭訴：未試過去日本去得咁慘

鄧太在滯留期間一度哽咽表示，「囡囡太細個，她奶粉已經食完，亦沒有衣服可更換。而我都被公司追我返工。來日本7日，轉機都用了兩日，處理航班都3日，來到日本都沒有意思。未去過一次日本係去得咁慘」

事後鄧太再度詢問職員，員工指可以等待機位，鄧太與囡囡當地滯留逾48小時。而《東張西望》主持亦有幫鄧太打電話去航空公司，一開始依舊是無人接聽，但最後鄧太收到航空公司安排，終於在10月24日晚上搭乘飛機抵達香港。

網友唔撐鄧太 ：自己攞嚟衰

不過，面對鄧太的滯留故事，網友卻表示「唔值得同情」，更指她非常無理。認為本身是港媽自己要更改機票，就應該預了會有風險，而且帶住小朋友，應該一早就乘搭直航機。「明知自己帶住小朋友就唔好將機票改黎改去啦」、「一話放寬鬆小小就趕住投胎」、「自己攞嚟衰，驚死冇得去，急急飛出日本，現在時勢和飛機位，一定有些亂。」

資料來源：Youtube@東張＋