港媽怒斥搭港鐵乘客唔讓座 怪獸家長：「我個仔返學好辛苦！」｜網絡熱話

撰文：WM丨圖片：劇照，Pexels丨資料：親子王國討論區

港媽怒斥搭港鐵乘客唔讓座：「我個仔返學好辛苦！」

有網民於「親子王國」討論區上開post，指自己於早上搭車的時段，於黃埔總站上車，順理成章有位坐所以安然坐下。去到下站何文田時，座位就已經爆滿，一名母親帶著目測小三至小四年級的小朋友上車，並站在事主面前開口說：「小姐，你起身比個位我個仔坐，佢返學好辛苦」。

事主當堂就嚇一跳，然後就得啖笑！再講了一句：「唔好意思，我有啲唔舒服」，然後身為「座位獵人」的該名母親走到事主隔離位置道出同一番說話，攻擊無果。然後該名母親再開始言語「單單打打」：「有冇攪錯，而家d人唔識讓坐嘅咩？」。

最後到達太子，兩母子就到站下車。事主指其實路程也只是三個站，不明白辛苦位在哪裡。而且該名母親態度惡劣，讓人覺得讓座是「老奉」行為，令到事主對此都十分反感。而網民都普遍認為事主做法沒有錯。

網民：根本有病！

有網民就直言該名母親「有病」，更有網民指其行為不是「讓座」，而是光明正大地「打劫」。另外有網民建議事主可以作出反駁，其母親稱兒子上學辛苦，事主可以用「返工仲辛苦！」作為反駁點去擊潰對方。

有網民就分享自己過往的經驗，就算讓座時對方為一名已經「企都企唔直」的伯伯，但是伯伯最後都會將其座位讓於自己的孫子去坐，直言這類「怪獸家長」的確很恐怖。不過網民都建議該名母親可以選擇直接搭的士會更好，起碼有得坐唔使企。

撰文：WM丨圖片：劇照，Pexels丨資料：親子王國