3名港媽懶理小朋友玩具店搞破壞 放任一個超過份行為！｜玩樂熱話

3港媽懶理小朋友玩具店到處跑

孩子的教育不能等！最近Facebook專頁「生仔要考牌系列」上有一名家長網民投稿，指最近在中午放學時間左右，他帶同女兒到一間玩具店閒逛，店內人數頗多，誰料這才只是惡夢的開始。

他表示該間玩具店不算非常大間，面積大約1,000呎左右，店內布置典型，貨架一列列整齊地排列，形成一條又一條的小巷。事主指當時有3位港媽揹著書包，並站在店內的正中央，正好在所有巷子的交匯處談天說地，並三番四次地擋著事主的去路。

港媽懶理反而圍爐傾點谷仔女入名校 仲放任小朋友一個超過份行為！

而令事主最不滿的是「估計佢哋應該帶住五至六個小朋友吧，因為幾乎所有小朋友都跑嚟跑去，想認真數都做唔到。」他直指情形是「小朋友有小朋友跑，媽媽有媽媽企喺度高談闊論」、「聽到類似講緊點樣谷個仔入某名校之類嘅內容」。

事主之後更目擊到小朋友超過份的行為，「其中兩個年紀較細，目測3-5歲嘅妹妹就不斷圍住啲貨架喺度跑，跑嘅中途經過每個架就拎起一件物品扔落底」、「我眼見嘅都扔咗3, 4件，另外聽聲有貨跌落地嘅都好幾件……」，店員只好無奈地將一件一件玩具拾回貨架，更有小孩因為母親不允許買玩具，而一拳又一拳地打在公仔上。

網民：商場勁多呢啲小朋友！

網民看文後就直指「生仔真係要考牌」、「成班有爺生無乸教」，也有網民表示以前在開舖時，也曾遇到家長放低小朋友在自己店舖內胡鬧，自己卻跑去對面舖買嘢，並慨嘆近年來怪獸家長及小怪獸愈來愈多，認為家長有責任管教小孩，而非「放養式」教育。

文章授權：Facebook專頁@生仔要考牌系列