女友Staycation上癮狂Upgrade 港男叫苦：Staycation害人不淺｜網絡熱話
撰文：Yuen｜資料來源：香港討論區「女朋友去Staycation去上癮 Check in狂Upgrade 個個月喪燒錢」｜圖片來源：香港討論區、愛回家之開心速遞｜原文刊於：GOtrip
港男在3月16日於香港討論區，發文投訴「女朋友去Staycation去上癮，Check In狂Upgrade，個個月喪燒錢」，內容主要關於Staycation如何害人不淺。港男表示「明明已經半同居，但近一年因為疫情去不了旅行，而本地多了很多Staycation套票，因此在上年生日為女友安排了一次Staycaion，誰知女友去完好似上了癮，個個星期都話要去。」
其實坊間亦有不少價錢超值的Staycation，平則淨房約$300-$500不等，而很多Staycation也$1,000元樓下。港男深知普普通通的酒店套票不算太貴，可惜他認為女友貪得無厭，一時又話要加自助晚餐，去到Check In又無啦啦要升級套房/海景房，這不是一百幾十塊可以解決，而是數百塊甚至過千。另外，女友又話要訂五星級酒店試試，一晚五星級酒店已經幾千元。港男曾嘗試與女友說：「不如最多一個月只可以去兩次」，結果勸喻不果，反被說：「係咪嫌佢煩嫌貴，佢話佢自己約其他朋友去Staycation囉！佢自己出返錢囉 」
最後，港男指Staycation確實害人不淺，訂一晚豪少少的Statcation套票分分鐘夠飛一轉5日4夜台灣，根本就係呃錢！
不少網民支持港男「完全唔明有咩咁好去」
Staycation抵唔抵因人而異，不過看來討論區的網民偏向支持港男，他們表示「完全唔明有咩咁好去，屋企又大地方又靚過酒店，乾淨冇其他人用過」、「點解啲人去得咁Enjoy，當自己去咗旅行住緊酒店呃自己」、「開始覺得唔值，寧願買袋，起碼可以用一段時間」。
不過亦有人支持Staycation物有所值，可以一嘗以往不會體驗的五星享受，而且「依家去Staycation點都唔會及得去旅行咁貴」，加上「很多成日去Staycation的人，都是住屋上或多或少係有問題，想多點私人空間」。
他們提議若果真的去很密，可以參加酒店VIP會藉，或者申請多優惠的信用卡，然後就可以好像酒店達人-阿迪哥一樣跑酒店，升級會藉，一舉兩得。
