港女KOL行山食柑亂抛果皮　施緊肥抑或冇品貪方便？網民意見兩極｜玩樂熱話

港女KOL行山食柑亂抛果皮　施緊肥抑或冇品貪方便？網民意見兩極

最近有網民於連登討論區發帖，以「無品港女行山食完橙就咁掉橙皮落地下」為題，公審一名行山女KOL，指她在行山期間吃柑，無品地將柑皮亂抛山野，帖文引起網民熱議，不少人留言斥責該名行山女KOL欠公德心。事後，她先將行山食柑的相片刪除，再關掉留言功能以免被網民圍剿。

不過有網民認為將柑皮棄置在山野沒問題，認為「橙皮回歸大自然，自然分解」、「分解到又唔會影響其他人嘅嘢（無強烈氣味），無問題啦」、「橙皮掉喺山有益過掉落堆填區」、「將啲有機物運去堆填區先係反智做法~而家掉橙皮去野外係施緊肥」。

KOL回覆：長輩教我的

港女KOL都有針對謾罵進行回應，稱當初她剛剛接觸行山時，曾有一位長輩告訴她，某些果皮能夠被自然分解並滋潤泥土，所以將它棄置於郊區是沒有問題的。不過她對於網民的批評都表示接受，並指未來會做得更加好。

但有不少網民認為她欠公德心，稱「每日咁多人行山，如果容許掉橙皮，唔使一個禮拜就變橙皮山」、「咁個個去完野餐都將啲食剩嘢廚餘雞骨倒晒落地下都得啦、「垃圾自己帶走，呢個道理連3歲細路都識」、「條女個原意唔係為咗令座山有養份先掉橙皮，實情係佢貪方便唔想帶走所以先掉，所以X條女做錯係絕對啱」、「上面咁多人嘈分唔分解到做乜啫，總之家下條女就係亂拋垃圾囉，而亂拋垃圾就係冇品、冇家教囉」、「咁多人覺得無問題，去所有大自然地方你帶咩上山就要拎返晒落山，Leave no trace（山野無痕）」，認為KOL的行為是在破壞大自然。

根據《郊野公園及特別地區規例》（第208A章），任何人在郊野公園及特別地區亂拋垃圾，即屬違法，違例者可被罰款1500元。

資料來源：連登討論區