港女唔食魚生都有錯？貼心女友陪男朋友食日本菜 男友唔領情仲當眾發脾氣！網民抱不平：佢先係小朋友！ ｜網絡熱話

港女唔食魚生都有錯？

最近有女網民在Dcard分享與男友食飯對方呻超掃興，女網友指自己一向不吃魚生，因為腸胃差易肚痛，不過男友喜歡食日本菜，所以本著「日本野食唔淨係得魚生」這個想法就帶男友去食日本菜。

男友發火大鬧：「你成個小朋友咁款，咩都唔食，同你食飯好掃興啊！」

去到餐廳樓主自動避開餐牌上面的魚生，叫了竹輪烏冬、茶碗蒸和天婦羅，點知男友見到就問：「你小朋友咩？」。樓主以為男友是在為她不能吃「生冷嘢」而感到抱歉，所以解釋說：「唔緊要啦，我咁樣食都開心，你食魚生啦！」點知下一秒男友超嬲，「依家唔係開唔開心啊，你成個小朋友咁款，咩都唔食，同你食飯好掃興啊！」男友更一邊拍檯一邊發脾氣，令其他人都望過來，場面非常尷尬。

網民抱不平：咁大個人都唔識尊重人！

有網民表示，「你條仔先係小朋友，完全唔識尊重人，分手啦！」、「我覺得好小事」、「小事到乜咁，拍拖就係大家就下大家，我唔食魚生，我男朋友唔會帶我食，從來都就我食我食嘅野。我哋食壽司，佢自己食魚生，我就照食熟食」、「無論係男定女都好，拍枱係乜野態度？完全無尊重過你」。

網民一面倒表示支持樓主，認為樓主已經好好，明明自己不吃魚生，為了男友都肯陪他吃日本菜，而男友卻不珍惜，更不讓樓主選擇吃什麼，似乎跟男方吃飯更掃興。

網民：最緊要互相遷就！

另一個女網民則分享自己與另一半食飯之道，表示明白樓主男友的感受，「我男朋友係唔鍾意食肉同海鮮，有時去到餐廳佢樣樣都唔食係幾掃興」不過其實拍拖應該互相遷就一下，對方喜歡吃的而自己不喜歡吃都可以試少少，但發脾氣就絕對唔得。

資料來源：Dcard