港女偕友遊迪士尼被小朋友多次扯頭髮 怒轟港媽只顧玩手機懶理！網民：大把呢啲無家教家長＋提供多個處理方法！｜玩樂熱話
廣告
香港迪士尼樂園向來都是一個短暫逃離現實，讓大家好好放鬆自己的地方，感受夢幻童趣的世界。正因為如此，樂園吸引了大大小小的遊人，很多家長也會帶同小朋友一起遊園，近日一位女網民在香港討論區上發帖，指自己在迪士尼遊樂設施被小朋友多次扯頭髮，但在旁的家長竟然只顧玩手機，懶理小朋友的行為，令港女嬲爆！
撰文：米娜 ｜來源：香港討論區截圖、香港迪士尼樂園、新假期編輯部
港女遊迪士尼被小朋友扯頭髮 怒轟港媽玩手機懶理！
網民：大把呢啲無家教家長 教路一招處理
該位女網民在香港討論區上發文，指自己放假期間與好友一同到迪士尼玩，在園內已經見到好多小朋友和家長，心想「咁早就放聖誕假啦？？」，事主不以為然。後來事主與朋友玩到攰攰哋打算去遊樂設施「小小世界」抖吓，她表示原先遊樂設施可以4人一排，未知是否因疫情關係，不會跟陌生人坐一排，於是事主與朋友坐前排，而後排就坐了兩個小朋友加一位媽媽。
事主稱剛開始的時候都好哋哋，過了一陣兩個小朋友就開始嘈同玩，她表示並不介意，因為原意不是真係想睇小小世界，但之後事主感到「feel到有野扯住啲頭髮，初初諗住係啲頭髮攝左入件衫到扯到，就抆返好啲頭髮。點知原來係後面個兩個小朋友係度扯我啲頭髮！」
於是事主忍不住擰向後望，只見該位媽媽「坐喺度玩電話又唔理佢哋又唔鬧佢哋」，而小朋友看到事主回頭望有稍為收手，但隔了不夠兩分鐘又開始扯頭髮，今次更扯埋好友的頭髮。事主原本不打算開聲，但只見港媽無意阻止只顧玩電話，在忍無可忍之下終於爆發，叫小朋友「不要再弄我的頭髮」，該位港媽只係望一望事主，再同小朋友講「唔好搞人哋啦。」
女網民就心諗「喂，你帶得佢地出街玩就好心唔好掛住玩電話啦 ，中意玩電話點解唔返屋企玩呀？」最終連同行好友也忍不住開聲，叫港媽睇住兩個小朋友，唔好再俾佢哋騷擾其他人。感嘆「唔該啲家長啦，帶得啲小朋友出街玩就睇實佢地啦。」
網民看後就異口同聲表示「大把家長唔理，由小朋友亂咁撞」、「依家真係有唔少咁嘅家長」、「冇家教」、「樓主都幾好脾氣，俾人扯左2分幾鐘先回擊」，亦有網民教路建議「下次佢伸手，你就代佢阿媽教佢囉，可以用老師吻話佢唔得，或者當你自己個仔，一聲”NO”」不過幫人教仔就唔係人人都願意，有網民會選擇「一嘢轟回去」，你哋又點睇？
