港女呻行街店舖職員人盯人跟到實！網民：搞到唔買嘢好似好衰｜玩樂熱話

Sep 20 2022

平時行街購物的時候，有顧客鍾意問staff的意見，希望他們能夠提供購物意見，亦有顧客最驚一入店，staff就一直跟著你，緊盯著你的一舉一動﹐有種被監視著的感覺。

港女呻行街好大壓力！行街好似被吊靴鬼咁跟到實

最近有網民在討論區分享，早前與朋友行街進入一間服裝店購物時，「一入到去就有staff跟住晒，好似吊靴鬼咁跟到實，我行到邊佢就跟喺後面，係咁話邊件邊件係今季新返，我就係唔鍾意一入到去就跟喺後面，我想自己睇啱先試」。網民續指：「啲staff一跟喺你後面，就好似周身唔聚財咁，搞到唔買嘢好似唔係幾好咁，好大壓力！」，

港女行街網民：我就係唔鍾意一入到去就跟喺後面，我想自己睇啱先試。 — 網民：我就係唔鍾意一入到去就跟喺後面，我想自己睇啱先試。（圖片來源：《Do姐再Shopping》）

「先生/小姐有咩幫到你」先係最討厭！

職員們都會好主動招待客人，「先生/小姐有咩幫到你」、「有咩唔明可以問我」等句子更是他們的口頭禪。不過一眾網民就表示聽到好煩，控訴職員令到他們不能專心行街，「我有嘢要查詢就會自己搵你架啦」、「人釘人咁叫人點放鬆睇嘢，都未睇就成日問有咩幫到你，淨係想你彈開囉」、「成日話幫下你，實際幫唔到幾多次」。不過有網民就喜歡問staff的意見，「有個staff跟喺後面我覺得幾好，有時唔知買邊樣嘢好嗰時，可以直接問佢哋，佢哋會推介邊啲好用，邊啲多人買，唔使我慢慢諗買邊樣好，我覺得咁幾好」，不過就指有時候職員意見好hea，「樣樣都話ok，真係好hea」。

港女行街不過有網民就鍾意問staff的意見，「有個staff跟喺後面我覺得幾好，有時唔知買邊樣嘢好嗰時，可以直接問佢哋，佢哋會推介邊啲好用，邊啲多人買，唔使我慢慢諗買邊樣好，我覺得咁幾好」。 — 不過有網民就鍾意問staff的意見，「有個staff跟喺後面我覺得幾好，有時唔知買邊樣嘢好嗰時，可以直接問佢哋，佢哋會推介邊啲好用，邊啲多人買，唔使我慢慢諗買邊樣好，我覺得咁幾好」。（圖片來源：《愛回家之開心速遞》）

港女有網民認同問有時職員意見，他們的意見都好hea。 — 有網民認同問有時職員意見，他們的意見都好hea。（圖片來源：《愛的迫降》截圖）

萬寧被指史上最煩？

有人指出萬寧是史上最煩，店內除了有職員外，還有多個promotoer，他們會跟貼著你行，所以不少網民都表示不愛去萬寧，更有人表白自己喜歡屈臣氏多過萬寧，「行屈臣氏通常好少staff會跟住你，行得舒服好多，相反行萬寧，未入去已經見到門口有職員，一入去佢哋就跟到實，眼望望咁十足十當我偷嘢咁，令人覺得好唔舒服」。

港女行街有網民指喜歡行屈臣氏多過行萬寧。 — 有網民指喜歡行屈臣氏多過行萬寧。（圖片來源：Cityplaza）

一招破解人盯人！

心水清的網民指出「萬寧本身職員好少會人盯人，係特約sales才會，多數係sell保健產品」、「其實通常都係啲promoters跟住，萬寧本身啲員工根本連上貨架都未做得切」。網民教一招對付職員人盯人，當他問你「需要幫助嗎」，你問他指定品牌的產品推介或用法，因為以上發問都是例牌式提問，職員其實沒有預想過顧客的回應，因此便會知趣離開。

Sales大呻有苦衷！

網民的討論引出行內人回應，有職員指有時為了追target逼著要向客人hard sell，「平時又set啲target要人追，講真唔係個個都啱用嫁嘛，sell完唔買過唔到target，又要俾人話問解賣唔到，之後有咩action會做，又有啲咩神秘顧客，唔合格重死，本身已經多野做，重要注意埋呢樣，搞到神經質」。