港女怒轟迪士尼情侶戴頭箍阻睇表演！網民反指：你先係無公德心嗰個
廣告
迪士尼樂園是男女老少都喜愛的地方，除了夢幻的場景，加上不同的機動設施，仲有不同的表演項目，總能令人玩得流連忘返。近日有港女在Facebook上發帖，怒指一對情侶在迪士尼樂園睇表演時戴頭箍，阻擋了她的視線，誰知公審不成反被網民嘲諷，到底發生咩事呢？
港女怒轟迪士尼情侶戴頭箍阻睇表演！
網民反指：你先係無公德心嗰個
該名港女在Facebook群組「迪士尼 買賣 交換 分享 Disney’s Sharing Platform」上發帖，分享日前在迪士尼樂園遊玩時的一段不快樂經歷。她先貼出一張前方情侶的背影照，再指「好心睇show嘅時候，坐得較前嘅朋友除一除頭cool（箍），真係好影響視覺」，她更稱已禮貌的提醒二人，無奈未得到對方回應。
帖文被網民熱烈討論，有人表示認同樓主的觀點，「其實巡遊第一排坐低，睇室內show除頭箍，睇室外show唔好開遮，真係好正常既入Park禮儀。」、「盡量唔遮住後面嘅人，呢啲係公德心」；不過也有部分網民抨擊樓主太小題大做，直言場地沒有劃位，如果想坐前小小，可以早小小到場，加上不滿位置可以調位，而非採取偷拍再上傳到Facebook公審。
網民更串爆的回覆「就咁睇好似係你矮咋喎，佢個頭箍都係1吋左右」、「人地坐係度都要俾你公審？ 就因為你生得矮？」、「我覺得你都可以買隻大公仔墊高自己咁就得啦」，除此之外更反指樓主才是無公德心的人士，「換轉唸，如果你坐到第一排專心唸住睇show時, 突然後面有人騷擾你要求你除呢樣除嗰樣，我會覺得呢個人好冇公德心，因為自己坐得唔好就要人做啲動作去就佢，其實自己可以換吓位，坐直啲或換個角度。」
發生什麼事？
近日有港女在Facebook上發帖，怒指一對情侶在迪士尼樂園睇表演時戴頭箍，阻擋了她觀看表演，但網民就反指她…詳情
網民點睇？
有網民認為坐頭排不戴頭箍是常識，但有人質疑樓主才是無公德心的那位，全因一個舉動…詳情
圖片來源：Facebook群組「迪士尼 買賣 交換 分享 Disney’s Sharing Platform」截圖、新假期編輯部、香港迪士尼樂園
