港女市集買飾物後被追討差額 店家稱聲計錯數收少$28差額 ！｜玩樂熱話

港女市集買飾物 店家發現計錯數後IG DM追討差額！

行市集就梗係要買嘢㗎啦！近日一名港女在Facebook群組專頁「西店Hi客之道 Hispitality Secret」上投稿，表示自己在市集買了一條頸鏈和手鍊，價值大約港幣$400，店家指只需要即時Follow店舖IG即時可獲95折，於是事主便追蹤了店舖。

後來幾小時後事主返到家中時，突然收到店舖IG DM（Direct Messenger），指收錢時記錯價錢，將頸鏈的價錢由$258計錯成$228，遂聯絡事主希望追回$28元。事主表示明白店家是小本生意，但明明是店方自己出錯，現在卻為$28聯絡自己追數，直指非常肉酸，行為令她感到有啲「唔高興」。

因為金額不大，於是她將$28用轉帳方式還給店舖，並打了一大篇千字文予店舖，希望店舖改善處理方法。然而她指「店舖乜嘢回應都冇，淨係收咗我錢之後一句Thanks」，此舉完全激嬲事主，她怒轟「呢間舖嘅公關真係好差，好冇禮貌」、「先係自己出錯，再向個客追討價錢，再係個客比feedback 舖頭完全冇回應」、「收咗錢淨係一句thanks 就冇再覆過，好老實講，我大條道理可以唔過返數俾你，亦都冇介意過你哋記錯價錢，但間舖偏偏態度要咁差」，最後表示「已經即時unfollow咗，再叫人唔好買呢間野。」

事主嬲爆投稿千字文 網民恥笑：根本兩個都小氣又肉酸

網民看後反應兩極，有些人認為是店舖問題較大，「老老實實，自己收少錢唔係自己負責返咩？」、「自己報錯價，正常都係自己食架啦，邊有得追架」、「我點諗都覺得係間舖頭錯」；不過也有網民認為兩邊行為都肉酸「係介意咪認左佢囉，扮大方又要數9人」、「香港西客特色：把口第一句話唔介意，打後一萬字理論內容係好介意」、「唔介意但又要寫論文咁」、「店肉酸之餘，個客都好肉酸。」