粗口港女搭巴士無按鐘過晒站先嗌落車 發癲鬧巴士司機無停駛！｜網絡熱話

女乘客搭巴士無理取鬧

最近有網民在YouTube「車CAM特警」分享女乘客搭巴士無理取鬧的片段，巴士「車cam」可見當時駛至青衣邨附近，站牌顯示下一站是宜業樓，由於到站前無乘客按鐘，而該車站亦無乘客要上車，車長就直駛至下一站的方向。一名女乘客突然一句「唔該」，表示要落車，車長則回應「下個站啦，過咗啦」。

港女發癲用粗口鬧巴士司機無停駛

車長兩度叫女乘客下站再落車，女乘客不滿直呼「開門喇」，車長指女乘客無按鐘，繼續直駛，女乘客不斷大聲要求「開門阿」，又指下一站「好遠阿，點行返過嚟呀」，更爆粗「出嚟截住你都唔開返畀我，X你老X」。

車長即時反擊女乘客

直至駛到下一站楓樹窩體育館埋站後，車長即時反擊女乘客「講嘢之前尊重下人啦，自己唔㩒鐘仲鬧人！」，不過女乘客沒有回應。

網民鬧爆女乘客正宗港女

不少網民紛紛留言鬧爆女乘客，「正宗港女！自己唔會錯，只係人地錯！」、「2個站距離其實好近」、「你同我講青衣邨宜業樓同楓樹窩體育館兩個站好遠？咪笑大人個口好喎」。

網民讚車長好脾氣

不少網民撐車長做得好，面對無理乘客仍好脾氣，EQ高，「車長沒有做錯，事實是乘客沒有按下車鐘。現今社會上真的很多無理取鬧的人，自己錯了在先，還要遷怒他人，離譜得很！」、「片主完全冇錯又好脾氣，值得一讚」、「車長睇吓笑片笑一笑就過咗，唔好上心，免得影響明天開工」、「要上車唔遞手，要落車唔㩒鐘，落車唔係提早企定喺門口，開哂門先慢慢行過去。巴士公司收車拉疏哂啲班次，上到車又鬧司機，比散紙成日搏大霧司機見唔到借啲意比少幾蚊，呢班香港貴賓真係難服侍，公司收到投訴又係乘客永遠是對的，香港有一堆咁嘅貴賓咪就係咁樣養成囉」。

資料來源：車CAM特警