港女搭小巴無扣安全帶 頭部直炒錢箱 司機：點會瀡咗出去㗎你？｜網絡熱話
廣告
一名港女搭小巴無扣安全帶，車輛轉彎時「瀡出去」，頭撞收銀箱的影片，除了引起網民爆笑外，還令大家警惕公共交通工具安全帶的重要性，無論搭任何交通工具，如果有最好扣上，除咗安全因素，唔扣上仲有機會被罰款！
撰文：GW｜圖片、資料來源：馬路的事討論區
港女搭小巴 轉彎被拋出座位
發帖者在群組「馬路的事討論區」裡po了一段小巴車Cam影片，Caption是一句溫馨提示：「安全帶的重要性」。影片中可見一名女子坐在司機後面的第一排靠窗的座位上，亦沒有扣上安全帶。
小巴轉彎時，也不是什麼特別急或大的彎，但女子就直接從靠窗的座位上向外「瀡」，頭部直炒小巴的收銀錢箱，女子抱頭狀甚痛苦，仲流咗好多血。
司機、港女對話內容節錄
（小巴轉彎）（女子「瀡」出，頭部撞向錢箱）（BOOM！）
小巴司機急忙慰問：「哎吔！嘩嘩嘩嘩嘩！你無事吓話？你點會瀡咗出去㗎你？」
女子：（用單手按著頭部，看似非常痛苦）
小巴司機隨即停車（轉身查看）：「睇睇呀？有冇事呀？」
女子：「好痛呀！流緊血呀！」
小巴司機：「我停埋一邊先啦！你點會瀡咗出去㗎妳？停埋一邊先喇！唉我真係怕咗你喇！」
港女：「好多血呀！」
小巴司機：「流緊血呀？哎吔！咁點呀？（向女子遞上紙巾）」
網民展開激烈評論
「雖然好似唔應該笑，但唔知點解真係好好笑，我仲loop咗幾次」、「無事嗎？？個錢箱」、「圓形無角係咁㗎啦」、「係咪佢個Pat太圓吓話？唔係點會成個波咁碌出去」、「後面個婆婆仲穩陣過佢」、「女事主好似池美麗」。所以大家無論搭咩交通工具都好，唔想受傷的話，記得記得要扣好安全帶啊！
撰文：GW｜圖片、資料來源：馬路的事討論區
