港人淘寶中伏 充氣泳池貨品狀態超離譜！客服拒絕退款＋竟這樣回覆事主

港人淘寶中伏 充氣泳池貨品狀態超離譜
客服拒絕退款＋竟這樣回覆事主

網上購物雖然方便，但有時都會出現貨不對版、質素有偏差的情況。近日，有一名女子在facebook群組「淘寶唔開心share （中伏group）」大吐苦水，發文分享一次在淘寶平台購物的經歷。事主想給自己的狗狗做水療，所以在淘寶網以人民幣328元購入一個「無線自動充氣游泳池」。

但收到貨後發現，游泳池上充滿污跡，事主形容「好似用咗好耐，執返嚟賣俾我」。

從事主上載的相片中，能看到藍色泳池上佈滿黑啡色的污跡，骯髒的泳池上更疑似已經發霉。而事主曾經嘗試清洗該游泳池，但可惜污跡一點都洗不掉。

事主馬上通知店舖，並指游泳池上充滿污跡，但店舖並沒有理會。所以，事主便申請退款，但立即被店舖拒絕退款。事主：「即係明顯佢係知道有問題！」而事主見對方不肯退款便申請客服介入。之後，店舖叫事主拍下泳池氣嘴的相片，但當時事主在客服介入後已把「游泳池」扔了：「我好聲好氣問佢點處理，佢唔理我，退款就直接拒絕我。咁我唔掉咗佢攞嚟留念咩？」

最後店舖只願意退款人民幣50元，而客戶服務退回人民幣200元，一共人民幣250元。事主十分生氣地指：「連個客服姐姐都話$50退返畀個客，個客聽到都仲嬲啦」。

網民知道事主的經歷後，大部份都認為店舖實在太離譜：「成舊垃圾黎架喎」、「係個評價度擺返張相及數臭佢，等佢無得水人」、「你俾個大差評啦」。

不過，亦有人認為店舖曾嘗試解決事件：「人哋好聲好氣叫你影個氣嘴你死都唔影，影咗知道佢哋錯，可能全數退俾你呢」。