清水灣泳客違例泊車 5張告票塞滿水撥！網民力數：專抄呢個泳灘！｜玩樂熱話

Jul 19 2022

泊車一向是香港各車主的頭號問題，除了車位短缺，停車場租金亦非常昂貴，但都不及收到違例泊車告票，食「牛肉乾」之罰款昂貴。昨日就有人於網上報料於清水灣發現一部私家車於下午五點前已經累積5張告票，網民紛紛加入討論，表示該車所所位置令後面車輛難以駛出，被抄牌也是扺死，期待車主返嚟拎車之反應。最好笑係有人表示車主整日不知所蹤，唔似係去游水，而係潛水！

一連收5張告票塞滿水撥！清水灣泳客違泊私家車阻塞交通

昨日星期日天氣大好，好多人都會去海灘暢泳消暑，有人就於「香港突發事故報料區」刊登於清水灣二灘停車場嚇見一私家車因為違例泊車，截至下午五點前已接連收到5張告票，問車主「喺清水灣游完水未呀？」，否則應該好快會收到第6張。相片中可以見到5張罰款單整齊排列於水撥，列明登記日子為7月17日，時間分別為10:34，11:38，14:18，15:45以及16:30，除了午飯時間之外，可以話一個鐘就抄一張。

違例泊車樓主開帖尋人。 — 樓主開帖尋人。（圖片來源：FB@香港突發事故報料區）

違例泊車告票整齊排列何其壯觀。 — 告票整齊排列何其壯觀。（圖片來源：FB@香港突發事故報料區）

違例泊車自製泊車位，日租$1,600。 — 自製泊車位，日租$1,600。（圖片來源：FB@香港突發事故報料區）

網民：買咗西瓜未？

有網民認為白色私家車所在位置除咗阻礙電單車外，稍為大型車輛例如旅遊巴出入非常困難，咁樣嘅行為其實非常自私，被罰錢不值可憐，但有眼利網民則指出旁邊灰色私家車泊嘅位更加尷尬，但就未被抄牌。亦有人不解為何車輛違例泊車阻塞交通，仍未被拖走。你有熟行情嘅網民則提醒大家，除咗大小清水灣之外，布袋澳、銀線灣、相思灣都係抄牌熱點，平均每個鐘就有人巡查一次。

違例泊車紅色陰影為私家車所泊位置。 — 紅色陰影為私家車所泊位置。（圖片來源：Google Maps）

違例泊車眼尾網民突破盲點。 — 眼尾網民突破盲點。（圖片來源：FB@香港突發事故報料區）

違例泊車亦有人善意提醒。 — 亦有人善意提醒。（圖片來源：FB@香港突發事故報料區）

5張單罰款總共$1,600，其實Staycation喺泳池游，或者call車出入其實更為化算，但更多網民表示好奇，一嚟想知道車主返嚟拎車時，見到水撥排滿告票時嘅反應，二來係車主於清水灣由早上10點到下午5點，如果係游水一早已經皺晒皮，就算曬太陽都已經變咗包青天，搞笑道與其上網尋人，不如買個西瓜掉落海可能更有效率！