淘寶踩屎感拖鞋成今期潮流單品 最平$10但超好著？網民大讚：對腳痛有奇效！

淘寶踩屎感拖鞋成今期潮流單品
最平$20但超好著？網民大讚：仲醫到腳痛！

Facebook群組「淘寶唔開心share （中伏group)」不時都有市民分享淘寶心得，最近就有市民重提興足多年的「踩屎感拖鞋」，因其增高軟墊設計及軟膠設計而營造出一種有如俗稱「踩屎」般的輕柔感覺，不少顧客都大讚好著，在中國內地掀起購買熱潮，這股潮流更蔓延至香港，備受不少香港網民喜愛！

有網民留言大讚：「超好著！真踩屎，唔臭，唔跣腳，唔索水，著咗3年，我隻貓都好鍾意，睇下啲抓痕就知！不過係唔係間間淘寶店家嘅都踩屎就唔知，我男友後來買的就唔覺得踩屎」、「我有一對著咗年幾，好好著～而且鞋底中間係有通窿，唔怕侷住啲水/汗。」

不少曾經入手的網民大讚好好著，不過重點似乎在於貨源，除了上述網民提及未必間間淘寶網店的商品都有「踩屎感」，有網民話：「原版日韓係好舒服、彈之餘唔會有墮下感……淘寶嘅……心照，屋企著OK。」

不過有網民有指設計傷腳、厚重導致容易跌倒：「最好著嘅拖鞋係軟硬適中，鞋底唔好太厚，著得耐都唔會腳臭，濕左都唔會吱吱聲。普通拖鞋最好著……」、「成日個頭會kick左入去反左會仆街」、「唔知點解著左會好易跌低」、「太厚底的欠承托力，越著越攰，不好買啦！」

亦有網民比較執著該商品的形容詞，認為「踩屎感」講法好神奇：「真係要踩過屎先知」、「有幾多人踩過屎？咩感覺？」、「咩叫踩屎感 ? 即係發明呢句嘢嗰個人成日踩屎 ? 係邊種屎 ? 屎都有好多型態喎 ！」、「屋企有養狗，平時我鍾意直接踩落去，有更真實踩屎感！」

參考網民截圖，一對踩屎感拖鞋價格不高，最平約人民幣10元便有交易。有網民就認為單價不算高，不過連運費計算或會好驚人，其實香港店舖如日本城、AEON等都有發售類似款式的拖鞋，有興趣不妨在香港周圍發掘下，直接購入就可以。看完網民意見之後，大家有有沒有興趣入手買一對呢？