淘寶逾期取貨被收錢 港女要求中秋假免$10被拒最後搞到報警！｜玩樂熱話

港女淘寶逾期取貨 要求中秋假免收$10！

一名港女在本月14日凌晨，於Facebook群組「將軍澳主場」發帖，表示自己在前一日（9月13日）到將軍澳某集運自提點取貨時，遇到不愉快經歷。她指自己在9月6日時收到電話短訊，提示貨品已到可以取貨，「但我miss咗冇睇」，於是到13日晚上7:45才去取貨。

港女續指在取貨時，因為她逾期取貨，而被店員要求收取4天的存倉費，「9月9號開始計，9，10、11（星期日）、12（中秋節假期），共4日」，即一共$40元。事主對收費方式感到不滿，指出9月12日是中秋節翌日補假，屬於勞工假期，所以不應計算存倉費，於是反駁「Apps寫咗勞工假期自取點唔開舖，12號係勞工假，應該計3日」。

店方便著港女自行向集運網頁客服商討，她便指責「店員淨係識叫我揾集運網頁客服，完全唔想解決問題。」更表示「最弊係茵怡街市入面，完全收唔到電話我想上集運網頁揾客服都上唔到網。但自取點又就快要收舖 （20：00收舖）」擔心如果等集運客服回覆，「即是要等聽日先攞貨、又要charge 多一日存倉費？」

最後仲搞到報警！

她要求店員幫忙聯絡客服、抑或提供公司電話讓她自己致電查詢，但都遭到對方拒絕，店員指「佢話自己都係打工，冇理由減 $10畀你，自己揞荷包俾返公司。」最終事主報警處理，「解決方案係收咗 3日存倉費」、「其實唔係$10問題 …… 自取點同集運公司係 contractor 關係，自取點本身都有收費用。同顧客有糾紛，都有責任去解決問題，唔係淨係識叫人揾集運客服。」

店家回應事件！

相關自取點負責人後來也接受其他媒體的訪問，澄清了事件的真相，表示該位客人是在9月6日下午2點收到取貨訊息，按48小時的免費存倉計算，共$40元的存倉費是從9月8日下午3時開始計算，9月8日、9月9月、9月10日、9月12日，並沒有計算9月11日（星期日）的店舖休息日，指當日因客人報警，店員要加班至晚上9時，最終減去$10元只是不想麻煩，更讚揚該位同事，並打算給予獎金。

網民嘆：西客之極致

帖文一出就受到網民熱議，大批網民批評樓主做法無理，「公眾假期唔使計錢？倉租係計你放咗幾日，唔通逢假期就拎你啲貨出街邊放？」怒轟樓主是極品西客。

樓主反駁在網頁上看到「勞工假期自取回不開門，所以我冇特登落去攞貨。」不過又有眼利網民看到樓主上載的圖片上貼上了「9月12日照常營業」的告示，再次狠狠地打了樓主一巴掌。

資料來源：Facebook群組「將軍澳主場」截圖