港女每3日就淘寶一次 怒斥本地商家食水深兼搵笨
廣告
不少港人都會「淘寶」大型傢俬家電，甚至食物來港。早前有位女網民在討論區發文，指學識「淘寶」便發現香港商家食水深，更慨嘆年少無知洗咗唔少冤枉錢，帖文獲不少港媽贊同，不過亦有網民認為網購容易貨不對辦中伏，不過樓主非常依賴淘寶貨，稱每3日便會淘寶買日用品！
港女淘寶上癮每3日淘一次日用品！
有女網民日前於網上發文，表示以往在本地店鋪購買手機指環、保護套、充電線等物品，大約100元3件或5件，但自從學識淘寶購買日用品，如：酒精棉片、濕紙巾、口罩、咖啡等，便驚覺香港商家食水深，估計獲利300%或以上，慨嘆「畀人搵笨都唔知，年少無知，洗咗唔少冤枉錢，以後會醒少少‥最近先了解到香港店鋪係幾咁黑心，某程度上助長地產霸權」。
該女網民稱除食品飲品，日用品唔太重都可以淘，隨後更分享自己購物心得，稱現時每3日網購1次，每月上限500元，而每年在「淘寶」花費1萬元以下，曾試過「淘寶」購買細樽裝酒精、髮型噴霧、電池、風筒，更會用3天「簽到」減2元的優惠，指自己搵得唔多所以要識慳錢。不少港媽贊同樓主意見，認為淘寶店舖五花八門，選擇多之餘價廉物美，幫她們節省不少開支。
不過亦有網民認為網購貨品質素參差容易貨不對辦，亦有人向樓主解釋，稱香港舖租貴，就算同一樣貨品，因成本所限價錢較貴亦在所難免，未必是「食水深」。
資料來源：親子王國討論區
淘寶購物可免運費到香港嗎？
淘寶「跨店滿¥199香港包郵」專區，只要訂單裏的跨境段包郵商品總額滿¥199*，並選擇直運及自提，淘寶官方便會自動安排發貨到香港。
淘寶所有貨品都可運香港？
不是，淘寶已對香港買家訂立限制清單。
圖片來源：淘寶官網，CHUTTERSNAP@unsplash，《愛·回家之開心速遞》截圖，《原本以為只是手機掉了》劇照
