港男淘寶購入多個家電打造全淘寶家居 網民反應兩極：便宜實惠但安全性低！

港男購入淘寶家電打造全淘寶家居

近日一名港男在Facebook群組「淘寶開心share」發帖，表示最近為了打造一個全用淘寶的家居，已經在淘寶購入第一轉家電，包括有風扇燈、抽油煙機等。有網民留言，指抽油煙機、冷氣機用淘寶貨應該無問題，不過風扇燈就不建議使用，有網民反駁「我用淘寶風扇燈超過七年都可以喎，最好用信用好的品牌喇」，亦有網民提醒「冷氣機出咗事如果比保險發貨，唔係機電工程署認可保險無得賠」。

網民對淘寶家電反應兩極

不過有大量網民表示屋企一直都有用開淘寶貨，便宜又實惠，不過最好選擇購入大牌子，質素較有保証，「我間屋好多嘢都係來自淘寶，全屋燈、抽油煙機、洗衣機、餐邊櫃、餐檯、梯櫃、梳化、組合櫃床、床邊櫃、書檯、鞋櫃等」、「我有買燈，有搖控，轉白暖光，比香港平一半有多，正」、「志高也算廣東名牌，質素有保証，分享一下我二十年前買的美的西施電飯煲、華凌雪櫃，在內地用咗六年，放埋車庫十幾年，最近用翻都好正常，大陸電器會爆炸嗎？我又唔覺」。

要留意家電用時會否過熱或著火

有網民提醒無論購買任何電器，最重要用的過程會否過熱或著火，「有咩問題會閂電掣，最重要個人有知覺，有啲細牌子真係唔掂，你拆開見完全無保護，電線芯好似幾條頭髮，如果真係淘，建議買大牌子」。

買內地電器最好避免買需要長期插電的電器

另外買內地電器一定要留意，最好不要買需要長期插電的電器，如雪櫃，「有起事來冇人在家好危險，買些有人在家才會用的，有事起煙或着火有人在關大制或拔插頭都趕得切，和買定滅火筒(2氧化炭或噴粉式的)，只燒爛嗰件電器不至燒埋間屋真係要小心，唔好因小失大」。