淘寶中伏｜網民10大中伏實錄：5千元雲石餐枱碎開＋傢俬藏木蝨｜玩樂熱話

10大淘寶中伏產品！

1. 全套餐檯

早前就有網民在淘寶買了一套餐檯，索價$5,000連運費，收貨時外表看來都沒有問題，但一拆開竟然碎了！雲石檯面全部碎開，絕對只是一堆大垃圾！好多網民就認為應該是物流問題！不少網民都指：「件貨可能本身無問題，係運輸啲人玩嘢，個箱有冇貼到易碎」、「淘佬運貨，你寫咩易碎小心都可能掉你，10個運貨既人入面，只要其中一個掉x你件貨就玩完」「其實運呢啲要另外搵人釘架」

2. 雪糕

不少人都會淘寶買食物，不過有人天真的以為雪糕可以淘寶！有網民在Facebook專頁圖文並茂控訴物流差，並有人自己在淘寶了10件雪糕甜品，但係用咗5天才到達自提點。更批評：「不知所謂的物流，購物體驗很差」，收貨時，雪糕當然是全溶，令孩子十分失望。更令人驚訝的是當時人竟然選擇將所有已經溶化了的雪糕放進冰格內「雪一下再吃」，更指要給商家「差評，差評」。不少網民表示驚嚇：「求下你丢左佢，放過小朋友」、「喺室溫溶咗就會產生大量細菌，更何況係奶類制品。正常嘅都會掉咗佢啦，仲俾小朋友食」。

3.黑科技節電器

淘寶賣家指這「黑科技節電器」指放在家裡任何一個插座上，就能節省最多45%的電力。有內地網民訂了個試試，收貨後拆開一看，才知道顯示屏是印出來，入面什麼都沒有，只有一個小小電路板，通電之後就只是會亮燈！

4.木製傢俬

有網民在Facebook群組「香港滅蟲關注組」出post話淘寶買木製傢俬，結果發現其中一件傢俬上有「木蝨BB」，更被蝨蟲咬，最後要滅蝨同丟棄咗堆傢俬先得，得不償失。

5.菜刀

有內地網民在淘寶買了把國產品牌菜刀，返去煮飯用菜刀拍蒜頭，結果刀身立即斷開兩截，菜刀從刀柄位完全斷裂開，向客服投訴：「這個刀好離譜，我拍蒜子，它就斷裂，沒見過這麽脆弱的刀，刀還能拍蒜嗎？」竟然得到客服神回應：「不能拍蒜」。

6.麵包

原來更有香港網民在淘寶訂貨控訴集運公司遲發貨，10月27的單，11月4日才收到。而樓主買的貨品入面竟然有麵包！「但我食物已『發毛』，說好『今發明到』我先買食物……」好多網民認為喺淘寶買食物實屬不智，但原帖帖主就回應：「淘食物有問題？」有網民提醒：「進口食品要登記，無合法食品標籤，可以報海關。」。

7.尖頭鞋

不少內地網民喺淘寶買尖頭鞋，但是收到貨之後就變成「脹爆中指鞋」，非常誇張。該名網民向微博「偽意見領䄂」詢問：「請問這種情況是鞋子的問題，還是我腳的問題？」，而好多網民就覺得問題不在於對鞋，而係樓主對腳，又有人講笑話對鞋嘅皮質真係夠軟身。所以大家下次買鞋都係親身試過比較好。

8.地毯

亦有香港網民淘寶購入6張價值46元人民幣的地毯，收到貨品後打開就發現地毯上有很重的味道。事主將「很重味道」的地毯拿去晾曬，諗住曬一曬太陽可以去除異味。點知地毯放在太陽下晾曬了幾小時後，突然出現了一堆小蟲，而窗台同埋附近啲衣服都爬著一隻隻蟲，超級驚嚇，事主發現地毯有蟲後，便立即向店舖反映，但可惜店舖不肯退款，反指自己倉內其他地毯都沒有出現類似情況。

9.遊戲機

有人淘寶以$119.16人民幣（約$150港元）購買一部遊戲機，但貨物到手時發現離奇地輕，打開後發現入面只得一卷廁紙，表示「超級過份，喺間舖買咗部遊戲機，佢哋竟然就咁寄卷爛廁紙畀我就算！」。事主指收到貨時，因為紙箱異常輕手，所以在開箱時已準備好手機拍攝開箱片，結果如她所料地貨不對辦，她表示：「好彩見佢個盒咁細又輕，估到有啲古怪，所以拍埋開箱片！平時我都唔拍片。「這卷東西霉到呢，都唔知有咩菌。」

10. 充氣泳池

facebook群組「淘寶唔開心share （中伏group）」中有人淘寶以人民幣328元購入一個「無線自動充氣游泳池」。但收到貨後發現，游泳池上充滿污跡，事主形容「好似用咗好耐，執返嚟賣俾我」。從照片中可以見到，藍色泳池上佈滿黑啡色的污跡，泳池更疑似已經發霉。而事主曾經嘗試清洗該游泳池，但可惜污跡一點都洗不掉。