淘寶中伏！買遊戲機結果收到呢樣嘢 原來是不良賣家呃錢新招數

淘寶中伏！買遊戲機結果收到呢樣嘢 原來是不良賣家呃錢新招數

該位女網民在Facebook群組「淘寶唔開心share （中伏group)」中發帖，指她近日在淘寶網上以$119.16人民幣（約$150港元）購買了一部遊戲機，但貨物到手時發現離奇地輕，打開後驚見裡面只得一卷廁紙，令她大感憤怒，表示「超級過份，喺間舖買咗部遊戲機，佢哋竟然就咁寄卷爛廁紙畀我就算！」。

事主指收到貨時，因為紙箱異常輕手，所以在開箱時已準備好手機拍攝開箱片，結果如她所料地貨不對辦，她表示「好彩見佢個盒咁細又輕，估到有啲古怪，所以拍埋開箱片！平時我都唔拍片。嗰卷嘢霉到呢，都唔知有咩菌。」

不良店家疑趁貨運混亂 寄垃圾呃錢！
網民：好彩你有做呢件事

事主質疑賣家知道因為最近集運貨品均要等一段較長的時間才能到達香港，所以打算搏買家在「自動收貨」後無法申請退款（自動收貨後款項會轉入賣家帳戶，令買家難以退款。），她直言「好彩呢單勁快就到，一見到咁樣即刻退款！」，更提醒網友，認住這間店舖切勿幫襯。

她表示目前已申請退款，兼在留言區留下差評，「請問我拍的是遊戲機，你們發我草紙一卷是甚麼意思？不是老實商家，請退款！」

網民看後就認為「好在事主有拍片」，否則容易投訴無門，更建議應該加碼向淘寶投訴；也有其他苦主表示曾遇過類似事件，「我都試過買被袋，送咗10個口罩嚟，按退款又拒絕」，幸好最終「小蜜」（即淘寶官方客服）介入成功退款。