盤點7大經典洗腦歌：DONKI主題曲、小小世界未係最癲 網民好驚：啲字有聲！

香港7大洗腦主題曲　網民：第一名都未係DONKI

網民亦大數7個難以抵擋的洗腦主題曲，當中包括陳年廣告歌、卡通片、節日歌等，原本充滿童真的兒歌「聽得多都怕」。

洗腦歌七：PPAP

《PPAP》出自日本一位中年男藝人，自稱「PIKO太郎」之手，長度只有45秒足以風靡全港一時，在YouTube上更有近7400萬點擊率，雖然歌詞極之簡單，但伴隨著的旋律節奏卻引來熱議，非常容易上口，更有一連串動作可作模仿。當晚在社交平台上有不少人翻拍片段，令網民指「平時聽已經聽得多，睇Social media 啲Friend都跟住拍片，好煩」、「一日睇到最少十次，聽都聽到悶」、「真係好洗腦，係咁又Pen又Pinapple」、「洗腦程度嚴重到個期我都唔食菠蘿同唔想見到筆」。

洗腦歌六：亞視啊儀《財神888》

「亞視一姐」啊儀出道時已引起不少話題，早前在新年時更唱了一首《財神888》，被網民稱為神曲，「聽完一次個腦會自己不斷發發發」。賀年歌一出，不少人聽後表示「唔可以得我聽到」，紛紛Share給身邊朋友，其後得到的反應都是「遮住個畫面聽半分幾鐘都頂唔緊」、「寫個服字畀佢」、「我由年三十晚Loop到年初四都仲Loop緊，發發發真係好洗腦」。

洗腦歌五：《Let It Go》

迪士尼卡通《魔雪奇緣》（Frozen）主題曲《Let It Go》，相信無論大人或小朋友都有聽過，街知巷聞無人不曉，在YouTube的點擊率高達27億，可算是近年最受歡迎的卡通主題曲之一。不過小朋友大愛的公主成名曲卻成為不少大人眼中的「惡夢」，有網民指《Let It Go》的洗腦程度遠超想像，「唔止樂園到會播，行街都聽到幾間舖播緊，返屋企小朋友又要聽」、「一日有幾個鐘都係Loop緊呢首歌，我嘅人生好似過緊一場冰天雪地咁」。更有網民表示「呢首歌係我聽咁多首迪士尼歌曲最令我失望及厭惡的歌。恕我直言，不懂欣賞。」

洗腦歌四：牙刷廣告《尖尖尖》

若有印象，大家應記得有段時間常在電視看到一個牙刷廣告伴隨著「無乜特別歌詞」的廣告歌，幾十秒的廣告內都只聽到「尖～尖尖尖～」的歌聲，由於歌詞內有大量「尖」字，其後被網民「惡搞」製成十分鐘的音樂無限播，令人不停跟著「尖」，更有其他「超強化Lag機版」、「英文原唱豪華版」、「嚴重痙攣版」、「必醒鬧鐘版」。這段廣告歌曾興起一段時間，同時成為了當時著名的洗腦歌，現時單看文字也如聽到聲音。

洗腦歌三：《小小世界》

早前有人被困在迪士尼樂園小小世界約1小時，當時船隻停住了不為所動，但《小小世界》的主題曲卻正常播放，在足足一小時內聽了無數次同一首歌，被困人士事後表示非常崩潰，「好想叫佢收聲」，更指聽足一小時同一首歌後，用了足足三天才把它從腦海中消失，期間自己有時也會無意地唱「世界真細小小小⋯⋯」，原本歡樂的歌聲也變成了「洗腦魔音」，以後都不想再聽到了。

洗腦歌二：DONKI《Miracle Shopping》

曾經逛過驚安の殿堂的人，除了店內的唐吉訶德企鵝無處不在外，其主題曲「Miracle Shopping」旋律亦「繞樑三日，不絕於耳」。網民指每次入店都不停重複播放「Don Don Don Donki，Don Don Donki」，加上旋律輕快，容易入耳，「行一次Donki閒閒哋都半粒鐘，無形中就畀首歌洗咗腦，走咗都會自己Loop，諗返都驚」、「Donki買嘢加排長龍聽Don Don Don先攞命」。不過網民指，雖然這首歌極度洗腦，但未算「好煩」，另一首廣告歌才是「洗腦之王」。

洗腦效果冠絕香港　非Yuu廣告歌莫屬

以為Don Don Donki已是最強傳播力，但網民指林子祥所唱、改編自其名曲《我愛你》的宣傳歌才是「冠軍」。同一集團下的店舖都同時播放「YUU YUU YUU，去食嘢攞YUU 獎賞爽夾快」，其節奏及歌詞都「勁入腦」，只要在店內逗留一段時間就會成功被洗腦，離開後腦海依然會「播」着宣傳歌。而它比Donki主題曲洗腦的原因是其播放的店舖太多，「超市買嘢播，萬寧又播、Donki就話可以唔成日去，超級市場幾乎日日買餸都聽焗住聽」、「聽咗一次瞓覺都唱」。不過網民表示自己都未算最慘，「班員工日日由返工聽到放工，畀著係我真係人都癲」。