ViuTV《水著考有Feel》！Mirror＋Error海洋公園水上樂園大戰 試玩女團三點式玩水突圍｜網絡熱話
撰文：WM丨圖片：節目截圖
ViuTV《水著考有Feel》正式開播 Error繼續出矛招！ Mirror長袖衫繼續吸睛！
「試玩女團」大騷身材
今次《水著考有Feel》顧名思義就是將遊戲戰場由陸地轉至水上，大玩水上遊戲。但節目更請來「試玩女團」著泳衣show身材，8大女成員包括：陳紫芊，麥欣童，鄭杞瑤，李文潔，鍾宛彤，馮寶欣及傅韻婷。個個都大展身材，讓觀眾一飽眼福。留意番，她們試玩完才播出Mirror和Error大戰的畫面，三點式女團無同男偶像們正面交鋒，鏡粉同404唔使吃醋！
Error繼續出矛招 AK Alton錫錫
身為「矛招天團」的Error，在今季都繼續出盡矛招，第一關保錡同193就放棄貼在浮床上行動，用雙腳貼住水底行動，以最快方式前往波波位置。可惜逃不過主持人的金晴火眼，立即被制止並要求退後數個位置。
而遊戲亦要求成員要互相錫錫才可繼續，AK毫不猶疑錫向Alton塊臉，Alton亦禮尚往來，好有愛！
肥仔唔夠高企穩
一向有「靈活肥仔」之稱的肥仔，今次落到水時竟變得不靈活，一開始就難以上到浮床，並在停下之時就冼走。身高1.6米的肥仔，除了雙腳無法觸及水底之外，亦無法上返浮床，畫面十分好笑，簡直就如得到綜藝之神祝福一樣的身體搞笑！
試玩女團「來勢胸胸」
「試玩女團」著上比堅尼玩遊戲，每個遊戲都落足力地大show身材。其中一關更是因為鏡頭太近胸部的關係，一路玩一路「胸襲」鏡頭，唔使戴3D眼鏡都感受到個種逼爆性！當中寶欣更是觀感十足，派福利啊，一眾前夫接受到節目組的心意未？
193自認「垃圾」
去到遊戲「傳說瀑布」，193因於驚高又驚太刺激的關係，再次用出「驚斷手」作為藉口唔落場玩。他更加自認「垃圾」及「懦夫」，跳船離開遊戲範圍。在事後其他成員玩完之後，他更加指自己：「頭先個場戲交得好好」，認為自己唔落場玩是正確。
老鼠屎Edan再發揮實力
對於一向是遊戲「老鼠屎」的Edan，在這次節目中都繼續發揮本色，因於太驚的關係不斷「呀！呀！呀」大叫，而令自己都在玩完之後忘記出題。如果要Edan用「呀」字去唱歌的話，相信都十分不錯，果然是「小諧星」的代表！
肥仔大Show白滑肚腩
最後兩隊都有派人玩成個園區最得人驚的「深谷飛瀑」，Mirror派出Edan輕鬆完成挑戰。但肥仔就唔同，入完去又出返嚟，然後在激將法下再次挑戰，怕高的肥仔更加眼濕濕淆底底，最後都完成挑戰，落到去更加大show白滑肚腩。
網民想睇男團多過班女
網民對於節目大部分都有正面評價，不過都有Mirror和Error的Fans指自己其實睇該節目的最主要目的就是睇團體裡面的成員，所以希望能夠Cut走所有關於「試玩女團」的片段，指自己睇Mirror和Error就已經夠睇頭！
想知海洋公園水上樂園有咩玩，即睇：
