買完榴槤臭味熏天點搭車返屋企？網民：人無恥便無敵｜網絡熱話

買完榴槤點搭車返屋企？

適逢夏天，又到了榴槤當造嘅季節，這款水果令人又愛又恨，味道不錯但臭味熏天，每次買回家沿路都被人側目，連進食也要像偷食般躲藏！香港榴槤關注組有組員出帖子詢問「大家買完榴槤，點樣搭車返屋企？好想由楊屋道買返大埔」，問題惹來124個留言，即睇網友點講！

網民：人無恥便無敵！

有網友採取「人無恥便無敵」的方法，分享自身經歷，有網友曾經在荃灣楊屋道街市買完榴槤再搭巴士返港島，在巴士上裝作沒事看手機，周不時四處張望，裝作找誰帶榴槤上車，更可以扮打電話，大聲高呼「唔知邊個咁缺德」，亦有網友曾經買完榴槤先搭西鐵又轉小巴，有感「只要自己唔尷尬，尷尬嘅就係人哋」。

多重包裝便可以暪天過海

除此之外，也有網友分享成功去除味道經驗，他道出只要進行多重包裝便可以，先用4層保鮮紙包好，再用報紙包裹，然後再外加一層保鮮紙，保證沒有味道。也有網友分享，可以叫街市幫忙拆肉，再自備密實盒和密實袋收藏好，絕對可以減少異味。

小知識！原來新加坡禁止帶榴槤上地鐵

新加坡一向出名規矩多，除了不能隨街食香口膠外，原來也不可以帶榴槤上地鐵！榴槤在亞熱帶地區產量豐富，因為它氣味濃烈而令不少人生厭，為了避免擾民，新加坡規定地鐵上不能帶榴槤，若違規最高可能會被罰款$500新加坡幣，相當於大約$3,000港紙，實在crazy，各位榴槤fans以後去新加坡旅行要小心！

圖片：香港榴槤關注組截圖