ViuTV《極度俏郎君》電單車車主怒轟劇組4宗罪 借車後態度勁差
廣告
ViuTV新劇《極度俏郎君》播出後獲得不少好評，但近日就有YouTuber長文投訴劇組4大惡行，力插對方態度並兼無職業道德，更怒轟「係咪大公司玩晒」！
極度俏郎君︳YouTuber怒轟ViuTV第1點 出車主車牌
《極度俏郎君》星期一播出後，有一位叫「Yu Ball 魚波」的youtuber就喺 IG投訴投訴該劇集中的電單車的場口，恕插4大點！第一點，魚波自稱自己係該電單車的車主，佢向劇組借出佢架電單車拍戲，指行規係唔應該出車主的車牌，但係劇組竟然照出佢車牌，而且佢搵劇組表示問題時，竟然被無視，去到呢一刻都仲未幫車主遮返！
極度俏郎君︳第2點講一套做一套 電單車相照po
第2點講一套做一套，魚波又講到當初借車時承諾除咗拍攝之外，架車係唔會流出到社交媒體上，但結果都係照出。
極度俏郎君︳第3點演員炒車 態度差
第3點，魚波指自己架車被某男團演員炒咗，點知態度仲要差，道歉都無句！依劇情所知，男團P1X3L成員吳啟洋揸魚波架電單車，踩上高速公路同王家晴兜風。
極度俏郎君︳第4點 當初話係特技車手揸
第4點，當初同劇組傾時係話架車由特技車手操作，但而家就似乎變咗演員揸，搞到炒咗車，仲話劇組好似當無事發生。最後魚波反問「係咪大公司玩晒，承諾咗唔算數，有無職業道德」
圖片來源：《極度俏郎君》劇照
