退租被業主無理扣起5千蚊按金 租客出警世文列3大注意事項｜網絡熱話
租客被業主扣起$5,000租樓按金稱「用作找水電費尾期」
該名大埔居民在Facebook群組「大埔 TAI PO」出post，指本身租住了九龍坑的村屋，後來因個人原因要在8月尾退租，退租後相約業主於8月28日交吉。交吉當日雙方都在場，業主在收樓時亦沒有提出任何問題，並在第二天退回大部份租樓按金給樓主，但就扣起了$5,000，稱「因為仲有一期電費未出，要嚟扣返水電等費用」，計算並扣除後就會把餘額退還。
事隔2個半月業主指要扣起尾數「以作執修之用」
原以為順利交吉事件告一段落，誰不知2個事隔2個半月後，租客向業主查詢有關退回租樓按金事宜，但業主卻回覆：
電費$482，但發現有多處地方要執修，包括二樓房間兩個煙霧感應器，牆身，厕所窗台，冷氣機，地面污漬及地下地台擅自便改物料等，故剩餘$4,518我將不退還，以作執修之用
業主指租客擅自拆除煙霧感應器，於是要找人再安裝、牆身有入牆釘要修整；廁所窗台破爛、冷氣機有問題、地面有污漬、還有地下地台擅自便改物料，業主指以上所有問題都需要找人重整，於是租樓按金尾數不會退還。
租客不服但已離港：「唯有硬食$5,000」
租客對於業主的指控不太信服，指拆除煙霧感應器是因為入住不久已經常響個不停，覺得滋擾所以再拆除，而當時已經和業主交待，業主也有回覆「Ok, 但請你keep住個煙霧感應器唔好掉」，並非擅自拆除；牆身方面，租客的確有打牆釘上電視，也有準備好叫朋友幫忙修整，但業主收樓時並無要求復原，所以租客就沒有跟進；其他關於冷氣、地面污漬、地板物料等，其實租客有表明如有需要可以即時處理，但業主收樓時並無要求，沒想到事隔2個多月後才被追討，直言：
其實$5,000蚊又唔算多，係條氣唔順，同埋因為我已經暫時離開咗香港，都應該要一段時間先返嚟處理，睇怕都係畀佢硬食$5,000
租客出警世文列退租3大注意事項
因為這次的經歷，租客直言「經一事長一智」，但也列出了退租3大注意事項，希望大家做齊，「唔好好似我咁蠢」：
- 一定一定一定要簽返好「完全交收同意書」簽返名作實，大家日後唔好再有爭議
- 唔好畀業主用水電費做藉口hold起按金，其實係可以即刻抄錶計價畀埋尾數
- 有乜唔啱就當面講清講楚，唔好事後唔滿意先提出
網民表同情：業主早有預謀
不少網民都表示同情，指業主應該早有預謀想要吞掉租客的租樓按金，「收樓時出聲咪搶唔到你錢囉」、「知你離開香港所以打算食你5千」，指「交吉果日業主無提出問題其實事後佢老屈都得喎」，直言租客應該「一手交匙一手交錢！hold得預左佢想hold一世」；也有網民教路「水電費呢啲嘢應該租第一日就要轉哂自己名，可以確保第一同最後一期啲用量全部都係自己，而最後一期單可以叫水電公司寄去其他地址，自己跟單俾番錢就得」，避免被業主扣起租樓按金。
不過也有網民指租客更「西」，指出「唔係話個業主完全冇問題，不過呢個咪你個問題囉，你識整做乜唔一早整？又唔預早講明，好難唔令人覺得你諗住搏大霧」。大家又覺得誰問題最大？
資料來源：Facebook@大埔 TAI PO
