奇趣！ 椒鹽太陽蛋雞蛋仔 ～上水大熱新店

不過賣嘅雞蛋仔就唔簡單，最爆趣嘅就係 椒鹽太陽蛋雞蛋仔 ，倒上原味蛋漿後立即打上原隻大雞蛋，將雞蛋與蛋漿直接用雞蛋仔機烤烘，加上自調的椒鹽粉，雞蛋仔粒粒飽滿，咸香充滿雞蛋味，與韓台都可到的夜市小食雞蛋糕有點類似，除此之外，兩款抹茶雞蛋仔，包括抹茶朱古力和抹茶黑櫻米都大受歡迎，黑櫻米常用於台式烘焙麵包店，比芝麻更細的黑點卻充滿芝麻的香味，值得一試！

雞蛋仔店甫開張就成為上水街坊打卡名物，日賣200底，想食要乖乖排隊落Order再排第二條隊等拎！街坊們無怨言照等！

鎮店名物！椒鹽太陽蛋雞蛋仔製作過程！

睇正面與一般雞蛋仔無分別，但一睇背面就明顯見到成隻太陽蛋與雞蛋仔融合，椒鹽味突出！

老闆的蛋漿與製作時候都剛剛好，粒粒雞蛋仔同樣飽滿，外脆內綿，加上太陽蛋與椒鹽味，值得一試！

抹茶黑櫻米雞蛋仔製作過程！

同樣都係背面清楚見到抹茶和粒粒黑櫻米。

雖然 椒鹽蛋太陽雞蛋仔 同抹茶朱古力雞蛋仔都新奇有趣，但講到最大熱還是這款抹茶朱古力雞蛋仔，不過抹茶味就唔太突出，但朱古力粒就足夠而且可可味香濃！

潮食

地址：上水智昌路順欣花園地下5C號鋪　(顯示地圖)
營業時間：1am – 8pm (逢星期日休息)