林芊妤Coffee囝囝翟伯伯落雨出街搵媽咪 工人被網民鬧：整病點算？｜網路熱話

撰文：Clara｜資料、圖片來源：Coffee IG｜原文刊於：Sunday Kiss

林芊妤囝囝翟伯伯落雨出街搵媽咪

事緣有一晚林芊妤同老公外出吃晚飯，過二人世界，將兒子翟伯伯交給工人照顧。吃到中途，工人突然發送了一條短片給林芊妤指：「BB要落街搵媽咪⋯⋯」原來翟伯伯太掛念媽媽，即使出面正落大雨，也堅持要著雨衣在街上周圍行，尋找媽媽。林芊妤見到兒子如此掛念自己，於是馬上回家：「喂呀⋯⋯好啦我依家返嚟啦」正佗著第三胎的胡杏兒睇完片段覺得很窩心，忍不住留言：「Awww」

(向左推睇相)

網民批評：落雨濕濕整病點算？

然而，不少網民將焦點落在林芊妤工人身上。他們指工人竟然在大雨情況下容許小朋友外出，缺乏考慮：「見到夜晚仲要落雨，我只係諗萬一整病點算？」、「咁大雨，工人姐姐唔應該同伯伯落街！」、「未經你或你老公准許，點解個姐姐會同伯伯落街，仲要落雨？」、「你姐姐真係呢⋯⋯」

林芊妤回應引導家長反省

林芊妤對工人很放心，不覺得工人做錯事，她解釋是因為翟伯伯喊過不停，所以工人才就範，陪他落街：「其實我姐姐平時好小心嘅，我諗我個仔太癲、唔肯就範，所以（工人）先咁做。我哋好似一家人咁，佢都好錫、好緊張BB，所以我好放心嘅。」而且她認為小朋友落雨出街根本沒有問題：「其實BB自己都想玩水，我返到屋企，BB同我講玩得好開心。」

有粉絲看不過眼幫林芊妤解釋，他們指當時天氣並非狂風暴雨般惡劣，翟伯伯有著雨衣，身邊也有大人陪同，最後亦能安全回家，不明白落雨出街有何問題。加上翟伯伯不時伸出小手感受雨點，粉絲們覺得讓小朋友接觸自然環境，總比困喺舒適圈更好：「反而我覺得個畫面好溫馨又好童真，睇得出伯伯好愛媽咪。」另有網民認為工人讓小朋友自由發展是好事，只要小朋友想嘗試，件事又沒有危險就可行：「咩咁大雨唔好帶佢落街，依家落雹咩？」林芊妤表示認同。

兩招教出堅強孩子：要適當時候放手

林芊妤曾接受傳媒訪問，分享管教方式。她大爆翟伯伯以前常常哭，性格膽小，甚麼事也感到害怕，怕沙石、怕龜和怕狗。所以林芊妤一直陪他慢慢克服，建立安全感，如今已變成愛笑小朋友。

為了培養翟伯伯堅強性格，即使他跌倒流血，林芊妤都會控制自己情緒，不會第一時間衝過去，而是鼓勵他自己爬起身。林芊妤解釋，適當時候放手，才對小朋友最好：

「做父母
我認為需要學習的是適當時候放手
接受他們的錯誤看開他們的跌倒
因為很多時候看著小孩撞板
出於成人的正常理解和各種經歷
心裡總忍不住想要幫個忙
然而這反而令他們無法吸取教訓
好好回想過來
我們都是一路這樣成長過來的
小時候爸媽苦口婆心的勸告
但我們卻一意孤行
過程中有很多要跌跌碰碰
嘗試各種的失敗和教訓
到最後才會走出自己人生
所以呀
作為父母真的別太折騰
也許到頭來會發現
他們的見識比我們還要厲害

他的人生留待他自己去發掘吧
我就靜靜地做個避風塘
但當然媽媽永遠是最愛你的～

#做媽後才明白父母的愛
#佛系媽媽」

林芊妤很關心翟伯伯的心理健康，她拒絕翟伯伯讀名校、上興趣班，只是給他報讀屋企附近的幼稚園。她認為小朋友年紀還小就要經歷面試，被人審判，會降低他對讀書的興趣，得不償失。她覺得如果是叻仔，在哪裏都會有成就，故寧願兒子在快樂環境下學習。

資料、圖片來源：Coffee IG