東涌櫻花｜本地畫家怒轟打卡人士3大缺德行為：踩爛草地、擅自偷影畫作

Feb 13 2023

東涌櫻花引來不少港人前去打卡，但同時卻帶來破壞！一名本地畫家於Facebook發文分享自己遇到的經歷，狠批打卡人士行為非常缺德，不但踩爛草地，但未經同意下就擅自偷影畫作，極度影響了大家賞花的心情！

本地畫家怒轟打卡人士3大缺德行為

東涌櫻花盛開，早前有名畫家更前f去賞花兼畫畫，但就遇到不好的經歷！當天事主一早就到達地點仲特意挑選「背光位」以免影響大家影相，但卻發現這些打卡人士相當不友善，更做出3大行為去破壞環境！事主忍不住狠批「啲景爛晒仲有乜嘢可以影呢？」，同時大鬧港人沒有水準，「個草叢爛晒啦，你哋睇吓你哋自己咩水準啊啊！我平時行山嘅時候只係見到啲野豬衝入灌木叢先至會搞到咁㗎咋，你哋自己望吓你哋自己做咗啲乜！你哋真係好鬼失禮啊！」、「唔好做啲咁失禮自己嘅嘢啦，你哋可唔可以尊重下你自己呀！」

1.踩入草地影相

事主炮轟指多名港人為了打卡直接踩入草地，有次目擊有班70、80歲的老人家行入草叢，事主多次提醒但他們都拒絕出來，於是最後開口大鬧：「植物都有生命，尊重生命尊重自己」，但卻被對方反駁指「畀其他人踩死晒我先上來嘛」，事主用「墳頭論」去反擊：「你死咗都唔想人喺你嘅屍體上面走來走去啦，咁樣而家點解你要咁做呢？」、「你第二時死咗入土為安，都唔想有人喺你墳頭走來走去，行返出嚟啦」，最後對方無話可說，被同行人士拉走。

2. 不經允許便擅自偷影畫作

事主一早寫告示表示「影相前請先『打招呼』」，但當日卻有很多人不但沒有打招呼更惡人先告狀指控事主阻影相，「我喺度畫緊畫，影相影到手踭打到我個頭，我教育佢哋：行近他人打招呼係基本禮貌，撞到人要say sorry」。

3. 沒有禮貌＋惡人先告狀

事主見到有人不打招呼便影相，事後便開口叫停他們，不過卻被反斥「冇影你個樣只影你幅畫」，事主嬲爆表示「如果我在地鐵上見到你個女好正，我唔影樣只影腳，只影裙底得唔得？」，怒斥他們「講嘢之前驚下大腦」。事主指出如有先前打招呼，他一般都會熱情對待，「就算影咗相先記得要打招呼，我都樂意俾你補飛」，同時更憤怒大鬧：「打聲招呼係咪真係咁困難呢？有禮貌係咪咁困難呢？」。