《東張西望》被爆出內部充滿黑暗同包庇

01 ｜入職僱員無簽任何合約

入職時無任何合約畀員工簽，但由返工、放假、返工時間都要由公司安排，所有修款在返工前都沒有提過。

02 ｜無供強積金

無論做幾耐或連續開工，公司不會幫員工供強積金。

03 ｜無勞工保險

無論任何天氣或狀況，公司都會強迫員工開工，「好多時東張安排嘅Crew車都會嚴重超載，好多時要6-7人迫上一架5人貨Van，如果發生交通意外，攝製隊就毫無保障，到時可以追究邊個？」。

04 ｜無勞工假、紅假、補假、病假

網民指試過有同事染疫，公司會扣足份糧，極度涼簿。公司只會每個月安排八日假，「如果佢地要你放多幾日，又會照扣，話就話月薪，但好難有足糧。有Cam man拍東張時受傷，醫藥費要自己畀， 休息個幾日仲有冇糧出，完全違反勞工法例」。

05 ｜放假要自己補錢請freelance

網民指試過有次公司要員工自費用$1,300請freelance，變相要倒貼畀公司。「就算同事當日係放假，都會叫你去維修器材、買公司用品，最過份仲會叫你去運輸埋器材，咁就唔係放假啦！有冇尊重過人地既假期呀？平時就算係拍攝完畢，都會叫我哋做好多拍攝以外嘅工作，甚至要幫手處理佢哋嘅私人嘢，用人用到盡」。

06 ｜老闆假公濟私

其中一個老闆是Cam Man，「東張出名靚女多，佢就好鍾意喺度溝女，當佢睇中咗一條女之後，佢就會唔畀其他同事同呢個女仔合作，要自己霸住」。

07 ｜無理解僱

正常一間公司炒人都要出一封warning letter，就算同事無問題，但係公司只要睇你唔順眼，話炒就炒。

08 ｜解僱無代通知金、補水、補假，亦試過拖糧

公司想點就點，試過嚴重拖糧，每個月平均遲十幾日，有時仲要遲二十幾日，亦試過每個月呃員工糧。「佢哋總係有方法用唔同嘅理由扣起同事嘅糧，有時就會話你放多咗假 ，有時會話你返唔夠數，總之就係得佢講冇人講，當你同佢想計清楚嘅時候，佢就會話遲啲補番畀你，但係又係得個講字」。

09 ｜稱所有員工都是自僱人士

入職時表明以月薪計，在規定日子返工，成個月都要畀更佢，根本無可能是自僱人士，「但係佢就用呢個理由，將所有福利都扣起，連勞工保險都唔買，走法律罅慳得就慳。又唔肯畀糧單，搞到我哋連入息證明都冇。器材殘破不堪，要用就要我地自己畀錢買，唔係嘅話，又會同我哋講啲導演投訴我哋」。

10 ｜逃避責任

網民指「東張入面出名有四大癲王，為首係一個做娛樂18，又係態度極差，尖酸刻薄，用足你12個鐘，其實我得幾百蚊一日，如果除返開12個鐘，我哋嘅時薪連最低工資都未必有。
另一個女導演，係一個情緒失禁嘅狂人，好鍾意虐待我哋呢啲外判工，佢成日以為自己好有道理，其實係歪理，每次一上到crew車都會聽到佢鬧同事鬧高層」。

11 ｜涉嫌盜用他人文件

網民大呻《東張西望》連亂拋垃圾都會報導，拖糧又會報導，「但 佢一直都唔肯打新冠疫苗，但係我哋進入tvb任何一個地方都需要健康碼，先可以入閘，好多時我哋出席嘅場合我哋都要填健康申報表及健康碼，既然阿鵬冇打針咁佢而家用緊呢個健康碼係點樣嚟呢？」。

12 ｜老闆是老屎忽

與無線長期合作，「持住一直都有簽合約打風都打唔甩，就會擺晒款，恰新人，好多writer、主持其實都好憎佢。

13 ｜老闆不聽意見

當有人提出意見，「佢就會話呢啲係傳統流落嚟，喺度搵藉口，爸曲明唔明時代係會進步架？」

14 ｜拍攝手法守舊

老闆不接受新的拍攝手法，不容許創新。