日本神級慳妹用15年購入3層樓 一日只可花14蚊港元食三餐｜網絡熱話

撰文：Evita | 圖片：《幸せ！ボンビーガール》節目截圖

日本慳妹用15年購入3層樓

日本節目《幸せ！ボンビーガール》曾經訪問過田母神咲，佢喺18歲時已經立志喺34歲前擁有3層樓，經過15年辛苦儲錢，終於成功達標！

於是節目組四年後再訪問佢，佢就表示自己已經買入價值約1,800萬日圓（約135萬港元）嘅第二間屋，又一如既往預告節目組兩年後會再購入第3層樓。

唔好以為日本買樓咁易啊！節目中亦提及到田母神咲畢業後去地產公司返工，規定自己每日伙食費唔可以超過200日圓（約14港元）。佢指自己每餐飯可以控制喺50日圓左右（約3.7港元）！

慳錢目的超感人

經過15年，田母神咲已由打工變成收房租，每個月有一定收入。然而節目組喺雪櫃依舊搵到特價烏冬，佢又回憶以前收養過一隻流浪貓，貓貓陪自己經歷人生高低，為咗報答貓咪決定開設貓貓咖啡店救助流浪貓。咁辛苦買樓，就係預防日後咖啡店蝕錢，依然仲有本錢繼續經營，真係一個又有愛心又有恆心嘅人啊！

撰文：Evita | 圖片：《幸せ！ボンビーガール》節目截圖