日本女生超可愛 真身原來嚇死人？｜網絡熱話
廣告
一名超可愛日本女生在Twitter引起極大轟動！日本人「化妝」技巧高超係人都知，不少人更化腐朽為神奇，大媽變女神，呢位女生成功出位，憑既都係極大反差，真身原來嚇死人？
撰文：SY｜資料來源：ひめにぃ様⚤
爆紅日本女生甜美可愛超高質
日本最近出現咗一位超人氣女生，成功喺Twitter成為熱話，肉肉既臉、圓圓大眼晴，輕鬆駕馭甜美、可愛動人不同造型，有幾分似日本女團成員，真係超高質素！隨手出一個post，都超過1k人like，果然顏即正義。
日本女生真身嚇死人？原來是偽娘！
佢爆紅原因點止咁簡單，原來佢正係近年日本當紅既偽娘，即係男扮女裝！呢位偽娘就係ひめにぃ様⚤ （姫兄様），唔少網民都表示「已經比女人更女人！」、「其實你係咪女人，女扮男裝！」，話好難認得出係男仔咁話，唔知大家齋睇圖又認唔認得出佢係男呢？
曾為不良少年
唔單止因為佢扮得靚，似日本女生，主要嘅原因係佢中學時，曾經係一個鍾意打架嘅不良少年，喺高中仲中途退學，連佢自己都唔知點解會變成一名偽娘，真係反差極大。
撰文：SY｜資料來源：ひめにぃ様⚤
