日本人妻開IG投訴老公！甜蜜集合每日生活惡習 世界級冇手尾你見過未？｜網絡熱話
廣告
印象中的日本人妻都是溫柔又賢良淑德，不過可能就係因為咁反而寵壞咗個老公！屋企總會有一個「冇手尾」嘅人，見到佢哋成日亂放嘢，大家嬲唔嬲呢？而今次有一位日本人妻頂唔順自己嘅老公咁「冇手尾」，所以好搞笑咁開咗個Instagram帳戶「公審」老公。呢個帳戶竟然有高達74萬名粉絲！？莫非係因為大家太有共鳴？
撰文：SY｜圖片來源：IG@gomi_sutero
日本人妻「公審」世界級冇手尾老公！
日本人妻特別開咗個Instagram帳戶，放咗好多張相，而全部嘅相都係關於自己老公嘅「冇手尾」生活惡習。從每一個Post中見到，佢老公真係好「冇手尾」。齋睇啲相，睇下大家覺得有冇問題啦～
垃圾放入垃圾桶是常識！
你以為垃圾放入垃圾桶是常識，但原來唔係人人都做到。呢位日本人夫將用過嘅、紙巾紙包飲品空盒亂扔，用完即棄都唔係棄喺地下。
為咗降低將垃圾放入垃圾桶嘅難度，日本人妻特登買咗個自動垃圾桶，點知老公竟然連揮一揮手打開垃圾桶蓋都懶，直接將垃圾放喺桶蓋上面。
花式隨地丟衫褲鞋襪
著過嘅衫唔係應該放入洗衣機咩？將污糟嘅衫褲襪周圍放，真係睇到都覺得呢位老公超級超級超級「冇手尾」。
物品用完然後…就沒有然後了
用完紙巾又唔幫手換、飲到一半嘅飲品唔拎去雪等等。
（點擊上圖向右滑，即睇更多圖片！）
但呢位日本人妻雖然「公審」老公，但佢一再強調兩夫婦關係很好，不過係想記低老公嘅生活習慣，仲希望老公有一日會變成一個整潔嘅人。佢叫網友唔好向一位身高180cm嘅男子展示佢呢個帳號，擔心老公會發現自己被「公審」，哈哈，甜蜜的負擔！
撰文：SY｜圖片來源：IG＠gomi_sutero
即睇更多：5點起床熱潮！韓國年輕人流行5AM起身時間表 上班前做足4件事＋3大好處｜網絡熱話
