任職文員但唔識打中文輸入法 打字靠筆劃及語音！網民反駁：手機分分鐘快過你個鍵盤！｜網絡熱話
廣告
打字是文員的基本技能，但最近有人分享指公司新同事居然唔識用打中文，只會手機筆劃及語音輸入，結果搞到整個工作過程都極麻煩，令事主非常頭痛！
撰文：新假期編輯部｜圖片來源：劇照｜資料來源：香港討論區
做文員但唔識打中文？！
廚師會下廚、歌手會唱歌、文員會打字，這是常識吧！近日就有人打破這個必然定律，有網民於討論區以「新同事唔識用電腦打中文」開post，分享新入職同事因不會中文輸入法而鬧出的笑話！
新同事剛上班第一星期，頭幾天都是幫手整理及影印文件，一切都正正常常。誰料，一叫他將資料輸入電腦就見真章！新同事向事主坦白說他不會用電腦打中文，只會用手機的筆劃或語音輸入法，反問事主應如何是好。
事主感到傻眼，不能相信現時的後生仔不會打速成或倉頡。最後唯有叫他用手機輸入資料，透過Whatsapp send給自己，再copy去電腦，最後更要特意於Whatsapp刪除通話紀錄，以及防資料外洩。本來簡單的動作，現要花兩倍時間去做，麻煩又花力，相當蠢。
此帖都引來不少討論，許多網民直言會打字非常基本，而且正常學校應該都有教。更有人表示與事主有同樣經歷，同事只會語音及手寫，工作效率極低。精明的網民秒速指出問題出自於HR，正常來說履歷上應會列明有否相關技能，不會中文輸入法卻能成功任職，好明顯是HR辦事不力。亦有網民直指請過第二個同事好過，「唔識打字學咩人返工」、「教得嚟都浪費時間」。
另有一批人則力撐新同事，指速成、倉頡難學，又要記位置，反駁指「d 後生隨時用手機打快過你用鍵盤」、「現家打語音仲快」，更有人分享自己都是這樣做「好出奇嗎? 我用iPhone 語音輸入然之後send email俾自己」，表示完全冇問題。其實咩輸入法都唔緊要，最重要是能完成手上的工作，正所謂「黑貓定白貓，捉到老鼠就係好貓」！
撰文：新假期編輯部｜圖片來源：劇照｜資料來源：香港討論區
