中日文化差異！中國大媽居日公屋 狂數住日缺點＋大讚中國 網民：點解唔返中國住？｜網絡熱話
廣告
中港文化差異存在多年，相信有唔少港人都覺得近呢十幾年香港逼咗好多，而且同中國人存在不少爭拗。原來呢個問題唔單止發生喺香港，就連日本都開始面對中日矛盾。ViuTV節目《人住公屋 我住公屋》播出日本篇，就同觀眾去到川口市「芝園團地」探索中日文化差異問題。
撰文：Evita | 圖片：ViuTV節目截圖
中日文化差異！中國大媽狂數日本缺點
有40年歷史嘅日本川口市「芝園團地」，發現有一半都係中國人，隨處聽到普通話之餘又見到簡體中文告示。
其中一位居日內地人提道：「食唔好啊！朋友又唔多，啲嘢食點同中國比啊？中國食乜有乜，有活雞、活魚，喺呢到餓又餓唔死，飽又飽唔死。」睇落呢位居日內地人唔係好滿意日本生活。
受訪者又繼續話：「返到中國，至少我有中國國籍啊！畢竟自己係中國人，有中國嘅心！」網民睇到呢到都紛紛表示：「講到咁好，點解你又唔返中國呢？」
而芝園橋樑策劃組主席，圓山王國就話有部分定居嘅中國人無做到入鄉隨俗，對日本文化同生活習慣既唔熟悉又唔適應。有住客講嘢大聲而被日本人提醒，最後竟然用暴力「解決」。
主席又話，發現公屋範圍嘅設施被寫上對內地人嘅壞話，例如「僅限日本人使用」、「中國人，滾回去」及「髒死了」等字句。睇嚟日本居民對於中國留日居民嘅處事待人去到爆煲位置。
其實，中國人有句說話叫入鄉隨俗，你住喺人哋國家，應該知道要將垃圾分類，有啲地方唔可以隨便坐或者踎，佢哋聽唔明人哋鬧咩，呢個係最大嘅問題。文化差異的問題各國都會遇到，入住他人地方，更應該要去了解其他人文化，而非一味批評！
