救生員投訴大媽行雷堅持游水！ 無奈表示：「到時救唔救佢好？」｜玩樂熱話

救生員投訴大媽行雷閃電依然堅持游水！

這名救生員於露天泳池上班，有一日如常工作，天氣突然變得惡劣，更開始行雷。有三名疑似有鄉音的大媽正在游泳，有兩名見天色突變怕有危險，便叫另一名大媽齊齊離開，：「喂！天黑晒啦⋯⋯要落雨，依家又行緊雷，不如走啦！」。但該名大媽就堅持暢泳，拒絕2人的提議：「我無做虧心事，唔怕比雷劈！」。

在附近的救生員聽後感到無奈：「我都唔知好嬲定好笑！」、「如果佢都係比雷劈中我都唔知救唔救佢好？」。幸好彩幾分鐘後泳池宣佈封池，救生員就禮貌地請她們離開，事情才告一段落。

網民：唔怕畀雷劈同唔會畀雷劈有分別架！

有不少網民都支持救生員：「呢個做救生員應該有嘅操守，遇到雷暴就應該叫泳客離開泳池」、「我以前番工的商業大廈有泳池，佢哋有雷暴警告就關閉」，同時亦炮轟大媽的行為除了自己會受傷更會連累他人，「最慘係救生員，劈中要落去救佢」、「佢唔肯上水，累人累物果陣咪係虧心事囉」、「唔怕畀雷劈同唔會畀雷劈有分別架」。有網民分享自己都有類似的經驗，表示有名叔叔堅持要游水，唔比佢游就投訴，「人哋泳客換晒衫出來講有閃光，阿叔話佢睇唔到，突然就好大聲炸咗下，個阿叔冇出聲轉身行返出去」。

不過亦有網民反鬧事主太大題小做，少少事都要放上網，紛紛表示：「人地搞Gag，你又咁認真po上嚟」、「上一代人嘅爛gag你又認真去解讀」、「同埋唔覺得有咩可以笑人哋…」、「出得雷暴警告全世界都要走啦，師奶吹兩句都要拎上嚟報告」、「師奶呻下又唔比，出埋雷暴警告仲可以留？」。

資料來源：Facebook專頁@奴工處