政府泥頭車夾公仔式清死車惹爭議！網民大讚超療癒 VS 算唔算刑事毀壞？

政府夾公仔式清死車惹爭議！
有網民大讚超療癒 VS 咁樣算唔算刑事毀壞？

香港地死車問題嚴重就已經唔係今日嘅事，但用「夾公仔」的方式清走死車你哋又認唔認同呢？近日香港街頭出現一幕政府工作人員以泥頭車仿如夾公仔一般的清死車行動，過程引來大批市民圍觀，途人見狀紛紛舉起手機拍攝，紀錄如此不常見的一幕。

不過其實「夾死車」網民就有Buy有唔Buy，有人認為清走廢棄電單車的行動非常需要，本港多區都有出現電單車廢棄的情況，尤其在電單車骨位（政府免費停車位）、後巷等，支持的網民更認為應該「夾多啲」，「後D骨位大把死車」、「恭喜晒啲撕走個牌就以為可以任泊果啲垃圾」、「死車一定要咁做啦」。

而另一派反對的網民則認為「規矩好似唔係咁樣做喎」，主張雖然違法，「但都唔代表可以咁樣毀壞他人既財物，可以拖走，可以罰佢錢，但點可能咁樣整爛人地架車？」，並問大家「咁樣算唔算刑事毁壞」，不過網民就反駁警方在聯合其他部門清死車前，先會在車尾貼上貼紙，過咗期就會罰款，如最後無人揸走便會定期夾走死車，完全符合程序。