排隊黨運輸署搵食變本加厲 賣埋保險賺過做保安 市民鬧爆：話打擊打條毛
運輸署排隊黨霸佔輪候籌多年 最新海鮮價曝光：仲Sell你買保險！
運輸署辦理車牌一向要排很長的時間，近日有市民反映，在金鐘牌照事務處見到一些「阿姐」，自己帶了椅子來排隊，她們坐在櫃位前面明目張膽地表示只要肯付錢就可以幫忙排隊。申領人林先生在HOYTV節目受訪時表示，續領牌照的人龍永遠都很長，目測 最少6 – 70 人，當中排隊黨目測佔了三分二人，當中很多人都有椅子且拿著一疊疊表格，龍頭處更被 3 位女性長期霸佔，非常張揚。
排隊黨收費海鮮價 額外再介紹教車師傅兼賣保險
主持人之後直接到現場查看，在長沙灣牌照事務處有一位長衫阿姐主動接觸，指當日排隊人數眾多她們可以幫忙處理，只收 HK$100 手續費，而手續費是海鮮價日日不一樣，收費一百至三百不等。「即日辦證就$200，聽日先辦完就$300，太多人啦」。之後該女士更詢問主持人有沒有找教車師傅，可以一條龍介紹。之後主持去到金鐘牌照事務處，情況更加誇張，有一名粉色女性霸佔整個填表位置，排隊人龍約有 5-60 人，前面的十幾二十人每人都拿著 4-5 份文件坐著椅子，有人更長期霸佔櫃檯，到中午時段更疑似換班，輪流去食飯。期間更有排隊黨主動 Sell 保險，自稱是保險公司可以幫續牌人士買保險，「你畀身分證、地址同保險，3樣嘢都可以WhatsApp我，你有無保險，我幫你買埋都得」。
保安人員知情縱容 市民怒斥：原本 15 分鐘走得
運輸署曾指出車主可以授權其他人幫忙處理牌照申請，排隊黨的行為並非違法。受訪市民表示「佢哋係利用咗政府嘅公營漏洞去自肥，假如冇呢批排隊黨我自己去排隊，流程同所需時間都會大減，基本上 15 分鐘就可以走。每一個排隊黨手上都有 5 張單，用嘅時間係 1 個人嘅 5 倍」。受訪者指出保安人員一定知情，更會叫排隊黨向前行，「日日返工都知咩事嘅」。運輸署回應指如果有人在牌照事務處兜攬生意，可以被職員及保安人員要求離開。
網民反撐排隊黨：無佢哋你仲煩！
一眾網民看到後卻持相反的意見，有不少網民都認為排隊黨自有其存在的意義，「啲人唔熟手填錯填漏，問東問西，可能仲要排耐啲添！」、「如果啲時間值錢嘅咪搵人排。你時間唔值錢嘅咪自己排。」、「排隊黨都係幫人排隊，始終都係要處理咁多份文件，無左排隊黨時間絕對唔會快左。」、「如果冇啲阿姐一人拿幾份，個個都來自己排可能啲人要排到落樓下」，也有網民指出是有關部門的問題，「唔係香港政府部門懶理，點又會有呢班人存在」，認為「取消一次五申請咪得」。
