【掃街王】西環友回憶！地膽推介美食

新假期編輯部

Aug 7 2015

廣告

當皇后大道西嘅大牛牛招牌都要同大家講Bye Bye，西環留得住嘅，仲有啲咩？作為曾經喺西環返過學、做過舊街坊嘅記者，決定帶大家一齊回憶下西環嘅味道。地鐵站起咗、舖租又加咗，希望呢啲小店可以堅持到！唉，真係有得食好食喇！

大隻燒鴨全脾

一提「波記」，唔少西環友都會諗起「鴨髀」！舖頭之前開喺山道，以前同同學喺附近嘅自修室溫書溫得夜，就會去波記食碗鴨髀瀨。波記4年前搬咗去皇后大道西新舖，依舊有鴨髀食，鴨髀油份無鵝髀咁多，但價錢平鵝髀一半左右，撈粗麵最飽足！

燒鴨髀撈麵 — 燒鴨髀撈麵 $45

老餮之選鵝髀瀨

80蚊一碗燒味粉麵，其實都幾貴下，不過俾嘅係燒鵝全髀，而且鵝髀面油令令，咬落去皮脆、鵝油十足，連碗瀨粉都充滿油花，如果自認係燒鵝迷，又頂得順啲鵝油，都可以試下。

燒鵝脾瀨 $80 — 燒鵝全髀瀨 $80

BE5A3860拷貝 — 想食髀就要趁早喇，因為午市都幾多人，當中有唔少「髀迷」，好快就賣晒啲脾啦。

波記燒臘粉麵店
地址：西環皇后大道西425號P舖地舖(顯示地圖)
營業時間：星期一至六 11:30am-10:30pm

新鮮出爐$3.5鮮奶蛋撻

想當年自修室同學仔恩物仲有生命物嘅鮮奶蛋撻！有時溫書溫到攰，就會過對面買個蛋撻填肚！如果遇著蛋撻啱啱出爐，就會搵埋其他同學仔一齊食！

BE5A3871拷貝 — 鮮奶蛋撻 $3.5

一見出面啲蛋撻就嚟賣晒，師傅就即刻整盤新嘅。

飽足咖喱牛肉包

炸咖喱牛肉包亦都係大熱，雖然唔似蛋撻熱辣辣咁吸引，仲油油地添，不過學生哥，唔係咁多錢，幾蚊一個包，入面有埋充滿咖喱香嘅牛肉餡，都已經好滿足喇！

炸咖喱牛肉包 $6

打開個炸包，入面嘅牛肉餡都唔少。 — 打開個炸包，入面有咖喱牛肉同洋蔥。

呢間充滿烘焙香味嘅麵包店真係愈嚟愈少啦。 — 原來呢度開咗成三十幾年！依家充滿烘焙香味嘅麵包店真係愈嚟愈少啦，撐住呀！

生命物
地址：西環石塘咀皇后大道西425號永華大廈地舖(顯示地圖)
營業時間：星期一至日 07:00am-00:00am
電話：2547 4826

消暑芒果西米露

呢間士多主要係賣報紙同埋新鮮生果，但由於山道上有中小學，下有圖書館，老闆見啲學生每日大汗疊細汗行上行落，於是就入下啲消暑飲品，俾啲學生哥解下渴。可惜此情未必能再，因為舖租關係，店舖去到8月20號就結束，呢份人情味都係難敵貴租，成為回憶。

芒果西米露 $12 飲前搖勻，入面有粒粒芒果，芒果味濃。 — 芒果西米露 $12
飲前搖勻，入面有粒粒芒果，芒果味濃。

馬蹄綠豆爽 $12 — 馬蹄綠豆爽 $12
充滿綠豆香，內有馬蹄碎，有咬口。

特濃咖啡 $12 — 特濃咖啡 $12
咖啡味濃，不太甜。

家常鮮果
地址：西環石塘咀山道51號(顯示地圖)

即叫即炸鹽酥雞翼

除咗經營多年嘅舊式小店之外，西環亦有新式嘅小食店，好似呢間魚蛋媽媽，開店唔夠一年，就俾西環友勁推，吸引佢地嘅，就係呢味鹽酥雞翼，雞翼開半炸香，即叫即炸，雖然賣相無咁有睇頭，但一枝枝骨就咁食都幾方便！

落單即炸需時約4分鐘。

炸好之後，師傅就落孜然粉同辣粉喺雞翼上面。

鹽酥雞翼 $15/細份(5枝骨) $20/大份(8枝骨) — 鹽酥雞翼 $15/細份(5枝骨) $20/大份(8枝骨)
外皮好脆好香，都幾辣，食完易口渴，怕辣記得叫師傅落少啲辣粉啦！

瑞士雞翼 $4/隻唔想咁邪惡可以揀瑞士雞翼，雞翼醬油味濃，帶有甜味。 — 瑞士雞翼 $4/隻
唔想咁邪惡可以揀瑞士雞翼，雞翼醬油味濃，帶有甜味。

咖喱三寶(魚蛋+豬皮+蘿蔔) $15 15蚊嚟講，算係幾大份，咖喱味唔太濃，但辣味幾出。 — 咖喱三寶(魚蛋+豬皮+蘿蔔) $15
15蚊嚟講，算係幾大份，咖喱味唔太濃，但辣味幾出。

檸檬薏米水 $14 (跟小食價 $10) 網上西環友群組最興食鹽酥雞翼，然後飲薏米水，感覺好似無咁熱氣。(好似係) — 檸檬薏米水 $14 (跟小食價 $10)
西環友最興食鹽酥雞翼，然後飲薏米水，感覺好似無咁熱氣。(好似係)

魚蛋媽媽
地址：香港石塘咀德輔道西343號均益大廈二期地下46A號舗(顯示地圖)
營業時間：11:00am-08:00pm(逢星期三休息)
網頁：https://www.facebook.com/pages/魚蛋媽媽/930465953642373

同場加映肉香四溢阿根廷牛柳

介紹咗咁多街坊小店，其實依家西環食肆都有唔少新力軍加入。兩年前喺西貢開業嘅Casa，2015年7月就搬咗嚟西環開分店，食物方面，有中環Soho區嘅水準，但價錢就平過Soho區，應該都會吸引一班鍾意試新野嘅街坊幫襯。

BE5A3990拷貝 — 餐廳喺地下，要由門口行樓梯落去，行到落去燈光比較暗，加有種似去咗backstage咁嘅感覺。

阿根廷牛柳配辣椒蛋黃醬 $100 牛柳放於鐵板上煎香，預設5成熟，只落黑胡椒碎調味，肉味香濃。 — 阿根廷牛柳配辣椒蛋黃醬 $100
牛柳放於鐵板上煎香，預設五成熟，只落黑胡椒碎調味，肉味香濃。

德克薩斯風格拉豬肉迷你漢堡 $70 豬肉預先經烤製過，再放上鐵板上炒香，加入沙律菜及芝士製成漢堡。食落燒烤味好濃，勁juicy，好易食到成手都係汁。 — 德克薩斯風格拉豬肉迷你漢堡 $70
豬肉預先經烤製過，再放上鐵板上炒香，加入沙律菜及芝士製成漢堡。食落燒烤味好濃，勁juicy，好易食到成手都係汁。

Homemade Cola $30 自家製可樂，以14種秘密材料煮成糖漿，加入梳打水，飲落唔似可樂，反而係有有好香肉桂味。 — Homemade Cola $30
自家製可樂，以14種秘密材料煮成糖漿，加入梳打水，飲落唔似可樂，反而係有有好香肉桂味。

Casa
地址：西環石塘咀和合街18號C地舖(顯示地圖)
營業時間：12:00pm-00:00am

延伸閱讀
【掃街王】上水美食圍城！食邪惡牽絲熱狗！歎時令無花果批！
草泥馬、狐獴、水豚陪你食晏？！日韓台7大動物Cafe！
《新假期周刊》電子書：
ios：https://itunes.apple.com/hk/app/xin-jia-qi-zhou-kan/id722179449?mt=8
Android：https://play.google.com/store/apps/details?id=com.weekendhk.newsstand2&hl=zh_HK

新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！

關鍵詞

掃街石塘咀蛋撻街頭小食