【掃街王】 荃灣 天橋網勁食平靚正！嚐５色秘傳咖喱！歎大碗牛雜！

為食路線圖：

1.好精緻！無添加果蓉Cupcake店

一出地鐵站行幾步，就見到這家Cupcake小店，各款精緻Cupcake琳瑯滿目，店家主打無添加果蓉Cupcake，不含防腐劑和人造色素，更以果蓉如開心果、藍莓、紅桑莓打成醬做cream，不會一味死甜，蛋糕有天然的果香和果仁香。

Natural Chiffon
地址：荃灣南豐中心1樓 A068舖
營業時間：11:30am – 8:30pm
電話：5114 0566

2.本港製造抵食手工雪糕

相比街邊不知名的雪糕店，佢嘅雪糕未算最平，但勝在本港鮮製，食落放心D又夠新鮮，更不時推出期間限定的水果味雪糕，保持新鮮感，各款雪糕劃一價每球$10，第二球一律半價$5，都算抵！

IceAngel
地址：荃灣南豐中心1樓A128-2舖
營業時間：12pm – 10pm

3.工業風潮牛腩牛雜

行到入去，你會以為自己入咗去鋸扒，水泥牆掛滿介紹牛肉的木砧板，合金桌椅，裝修型格入流。但這家的而且確是家抵食的牛腩牛雜專門店，由永年士多太子爺與友人主理，粉麵自然出色，招牌牛腩牛雜以多種配料煮得超入味，$35蚊的足料招牌牛腩牛雜麵，開業短短個多月便成為街坊必食名物！

潮牛棧
地址：荃灣荃豐中心1樓B3號鋪
營業時間﹕12pm – 10pm
查詢：23206882

4.又係長洲大大件芒果糯米滋

無人可以阻止長洲芒果糯米糍入侵全港了！不過呢間就引入較少見的長洲輝記芒果糯米糍，外皮做得較差，但呂宋芒果保持大大隻勁Juicy，不錯！

熊茶
地址：荃灣華都商場1樓
營業時間：從缺

5.５色５味！王子的秘傳咖喱！

一聽個名就知勁！呢間咖喱專門店主打嘅５色咖喱，分別有黑、白、紅、青、黃５款咖喱，其中以黑咖喱最爆趣，居然是香蕉朱古力咖喱，咖喱夾雜了香蕉朱古力的甜味，食落相當有驚喜！而紅咖喱是以番茄湯底打造的清香咖喱，番茄的酸甜與咖喱香味出奇咁夾，仲有解膩嘅感覺，值得一試！

王子廚房
地址：荃灣荃昌中心昌寜商場1樓48號舖
營業時間：星期一 11:30am – 3pm；星期二至日 11:30am – 10pm

6.印尼伯伯的家傳薯仔蛋

睇落係一家平平無奇嘅士多仔，但其實收埋住印尼嘅神秘美食！薯仔蛋撈麵！薯仔蛋係士多老闆印尼伯伯的家鄉小食，將肉碎、洋蔥同蘿蔔釀係薯蓉波入面再炸成香脆嘅薯仔蛋！話明印尼野，薯仔蛋當然係配埋撈麵食啦，大大粒薯仔蛋配一個撈麵都係$13蚊，肯定係區內學生恩物！

千千島
地址：荃灣荃昌中心3樓46號舖
營業時間：1pm – 10pm

7.好抵食型男漢堡

成個星期都俾老麥嘅任點漢堡洗版，呢間漢堡專門店其實比老麥的更邪惡，主打的型男漢堡，厚厚的漢堡扒以澳洲牛肉即叫即製，配上芝士、煙肉、紅菜頭等，重點在於最頂層的流心蛋，蛋白滲透整個漢堡，認真超級邪惡，仲要價錢相當抵食，連即炸粗薯條，套餐價才$58，絕對要試！

轉角‧見
地址：荃灣荃昌中心昌寧商場地下66號鋪
營業時間：星期一休息；星期二至日: 11:30am – 10:30pm
延伸閱讀：
8種邪惡美式 熱狗 ！香港牽熱狗潮
韓式芝士 飯堡 上環呃like下午茶【掃街王】
新假期食玩報料：[email protected]
歡迎Instagram / facebook 使用#weekendhk 報料，資料一經選中會為你公告天下！