拍拖多年男方被問結婚一味「拖字訣」！女方心急：佢幾時先想娶我｜網絡熱話
廣告
男女之間，因為年紀漸大的關係，似乎女士都是在心裏著急「幾時嫁得出」的一方，而男方通常都是吊兒郎當，對結婚一事不置可否，往往令女方心急如焚，甚至會在想對方何時才會拿出求婚戒指向自己求婚。日前，有港女在討論文，求教網民「男人去到咩時候先想定落嚟結婚？」自稱與男友拍拖多年，被家人、朋友問及何時結婚的問題時，港女的男友都以「未咁快住」 擋下，令女事主忍不住問網民，「想知男友咁樣答係因為未想結婚住，覺得未玩夠？定係唔想同我結婚？一般男人都係想幾多步先結婚？」雖然是一個「老掉牙」的話題，但仍惹來網民注意。
拍拖多年 男友未有結婚打算一直拖
樓主在《香港討論區》發文，與男友一起多年，被親友問及「幾時結婚」，樓主都無所適從，但其男友則「次次都話未有咁快住」。
男友的回答令樓主「心入面都有少少唔開心。」樓主又表示，近日一次同男友與自己的家人食飯，樓主的媽媽催婚，「男友都係尷尬笑笑口咁話未有咁快住」。
心急如焚 想知男人心
樓主心急如焚，想知男友是還未定下來，還是不想與樓主樓主結婚；樓主又坦承「女人無男人咁多青春，自己都唔細，想快啲結婚，想知男人去到咩時候先想定落嚟結婚？」
網民不留情指男友未認定樓主
有不少網民都認定樓主的男友並未認定樓主，「玩厭你自然會搵另一個」，而樓主回應「但男友成日都同我講將來結婚」；有網民更直言，「唔係個男人幾時想結婚，係個男人想唔想同你結婚，其實男女都一樣，覺得你未係最好，想睇定啲先，所以拖得就拖」、「佢無定落嚟嘅意思，我會欲擒故縱，結咗婚，你老咗，老公一樣可以離婚，綁唔住，無話青唔青春，你執著結婚咪換個揾安定嘅人囉」。另有網民坦言覺得「單身更自由」。更有網民教指若然拍拖三年都不結婚，等同以後都不會結。
原文：
資料來源：香港討論區
圖片來源：香港討論區截圖、Netflix《我的出走日記》截圖、TVB《愛回家之開心速遞》截圖、Netflix《三十九》截圖、TVB《香港愛情故事》截圖
