的士司機參加抗疫的士一個月未出過糧！網民嘲笑：咁大個人唔問清楚幾時出糧又走去做？｜網絡熱話
廣告
最近疫情仍很嚴重，疑似確診的病人如果想看醫生就要搭抗疫的士前往，不過抗疫的士有機會接觸到確診人士，未必人人都會做。最近有的士司機參加了抗疫的士一個月，至今仍未收到薪金，大呻很無奈，亦詢問一眾網民可以如何追討薪金。
參加抗疫的士一個月未出過糧
最近有的士司機在Facebook「公務員secrets」發文，事主參加了抗疫的士已經一個月，他表示：「但係仲未出過糧，問咗同我同一批嘅司機大哥們都未出，但係每日都要入氣，車出車入要隧道費，車行又加車租」。
網友：信政府，唔怕！
有網民表示事主選擇參加抗疫的士，「路就自己揀，怨什麼？實收到錢既， 放心！」，要信政府！政府是不會走數的，「你咁大個人唔問清楚幾時出糧又走去做？ 政府嘅錢審批幾十個程序幾十個人簽名，簽名嗰班人係公務員，佢哋唔等錢使，唔會急，更唔明你急嘜，又 WFH 緊，分分鐘三、五、七、十個月先批出嚟。」
最少要等三個月以上才會出糧
網民指之前有公務員做政府票站，都要等三個月後先出糧，上年亦有同事抽中去做檢疫，有兩萬多人工，等四個幾月都未出糧，「依家人手不足，等下啦，以前我做某部門批津貼，有同事同個上嚟發癲嘅市民講，你咁等錢使，點解你唔去搵財務公司借呀？快好多呀！」
網民建議叫東張西望幫手追討
事主表示：「就快連殼種都食晒，我到底可以去邊度追糧？」，有網民建議事主叫東張西望幫手追討，希望抗疫的士司機可以盡快收到薪金！亦有網友指責司機：「捱唔到咪唔好做囉，而家又未有人搵支槍指住你去做，再嘈搵大陸司機落取代你哋。」
資料來源：Facebook@公務員secrets
圖片來源：Facebook@公務員secrets、TVB《降魔的》
