港男為買嘢路邊泊車被抄牌 炮轟老闆唔提醒！網民唔撐反鬧事主｜玩樂熱話
廣告
有不少人揸車外出買嘢時，都會貪方便直接泊在路邊，因而引來抄牌的後果，最近有網民在西貢一間店舖買百潔布，期間將車停泊在路邊，結果買完嘢就被抄牌，事主因老闆沒有提醒他正在抄牌，大鬧老闆是自私鬼，完全不是西貢人的精神。
港男為買百潔布路邊泊車被抄牌
事主在Facebook發文指，早前在西貢一間店舖買百潔布，期間將車停泊在路邊，結果買完嘢就被抄牌，事主指老闆知道有人抄牌都不作提醒，大鬧老闆是自私鬼，「入去幫襯佢都唔講聲抄牌，買塊百潔布$320，完全不是西貢人的精神」。
老闆冇提抄緊牌被鬧自私鬼
不少網民紛紛留言，覺得事主買少少嘢，老闆不是應份要提事主抄牌，「大客或者熟客就話啫，做你幾蚊雞就當自己老細」、「有幫襯就要老奉提你，你物水」、「講係人情，唔講係道理。揸得架車出嚟，就有抄牌嘅機會」。
網民一面倒反鬧事主
不過有網民覺得事主應該負責任，「買百潔布要好耐嗎？續塊驗屍咁驗？還是買一籮百潔布？買一籮就真係要耐啲嘅 」、「怕抄牌就唔好亂泊，泊停車場麻煩就坐車，擺得街就預咗，嘈乜嘢呢」、「第一日揸車咩！全港周圍都抄到癲㗎喇」、「講甘多？違法就是違法…你想點…不是你錯…甘去找錯的人…叫他同你找數….記住找數啊」。
網民覺得小事無需網絡公審
有網民覺得這麼小事都要網絡公審，「原來依家文化已經係去到老奉要幫睇車，唔睇就出po影相公審，又學到嘢了」、「駛唔駛用百潔布同你省埋部車？」、「那個是抄牌熱點，你住西貢都不知就不如座小巴入去買啦，慳番啲油錢」。
圖片來源：Facebook@車cam L（香港群組）
