打邊爐唔攞位霸氣經理下令全店員工一招對待西客！｜網絡熱話

Aug 23 2021

香港人熱愛打邊爐，火鍋酒家經常爆滿，到酒樓打邊爐要先拿籌、等叫號碼，這是常識吧！不過「無品客」就不是這樣想了！有一枱無品客人，「打尖」不排隊，被員工勸喻離開時還「賴死唔走」，結果被霸氣經理一句話收伏！

撰文：B｜圖片：網上圖片、新假期資料庫、西客之道 Hispitality Secret

無品客打邊爐「打尖」霸氣經理輕鬆KO

日前Facebook專頁「西客之道 Hispitality Secret」刊登了一宗酒樓「打尖」打邊爐事件，話說一枱客人未有在登記「等位」，一行人就直接入座，入座後，他們問侍應拿點菜紙，侍應質疑他們為何沒有入座時由店方分發的點菜紙，並要求他們出示「等位」的號碼票，無品客隨即發難「叫經理」，並揚言「我哋係唔走㗎喇！我要投訴你，投訴到你總公司，投訴到你哋全部無得撈！」

香港人熱愛打邊爐，外出打邊爐要等位是常態。（圖片來源：新假期） — 香港人熱愛打邊爐，外出打邊爐要等位是常態。（圖片來源：新假期編輯部）

當網民都以為經理會屈服於無賴行為時，誰料他霸氣地回敬：「全部樓面嘅人同我聽住，無我吩咐，無人可以幫呢枱客落單，斟茶都唔可以。唔識守規矩嘅人無資格係度食飯。」徹底打敗這枱無品客！

一家大細，一大枱人一起打邊爐是香港人最愛的活動之一。（圖片來源：《一屋老友記》節目截圖）

打邊爐不排隊事件的始末

幾個月前某日，小女子係某間酒樓打邊爐。因為打邊爐受歡迎，所以經常爆滿要攞飛排隊等叫。嗰日我打緊邊爐時，隔離枱有班客人自行入座坐低，然後開始叫侍應點菜。

西：我地要個麻辣湯底+任飲+海鮮任食，點野食張單比張我地睇下先，一陣再落。

侍：先生你入座時，會有一set比晒你，而且你入座號碼飛喺邊？

西：我張飛一早比你地收咗喇，你地收咗又唔比單我仲要多嘢問？

侍：我地唔會收你飛，而且一定會比單你。你等等先我問下門口。
（幾分鐘後）

侍：先生門口無人帶過你入黎喎，你張飛咩number？睇下有冇聽錯咗？
（我覺得侍應都比面你自己落台）

西：比咩姐？比咩比？入咗黎坐低就係架喇！你問咁多做乜？叫你經理黎。
經理問完門口接待，帶位。confirm咗呢枱客位自己入黎坐後，再次好客氣咁請佢地離坐。

西：我地係唔走架喇，我要投訴你，投訴到你總公司，投訴到你地全部無得撈。
然後經理黎料喇，好大聲咁講

經：全部樓面既人同我聽住，無我吩咐，無人可以幫呢枱客落單，斟茶都唔可以。唔識守規矩既人無資格係度食飯。

嗰枱客就呆咗一呆，然後呆坐係度幾個字就走。至於嗰位經理同樓面，我前幾日食飯都仲見到佢地係度做。