港女打邊爐習慣極嘔心 男友不滿卻遭反問 : 「有乜問題？！」| 網絡熱話

女友打邊爐到一半將碗內湯汁倒回煲中 樓主目睹後超崩潰

近日，香港一名男網友在網上討論區開貼發文，以「理解唔到女朋友打邊爐嘅習慣」為題，投訴和女朋友打邊爐時，吃到一半，女朋友竟然將自己碗內的豉油和湯汁直接倒回煲中。樓主當下驚嚇得目定口呆，親眼看着剛倒回的醬汁和煲內的湯底混為一體，覺得非常嘔心，更指「即刻冇晒啲食慾，差啲都嘔埋出嚟」。

樓主表示不滿 女友卻反問：有咩問題？

樓主稱明白打邊爐期間是需要倒走自己碗內的湯汁，但絕不應該倒回大家正在進食的邊爐鍋中，此舉有欠衛生，更無視其他用餐者的感受。樓主立即向女友表示不滿，誰不知女友竟然反問：「有咩問題？我成家人由細到大都係咁樣打邊爐！」對於女友有如此回應，樓主崩潰表示：「我真係接受唔到！」

網友們大叫嘔心 認為女友有欠家教

各大網友們一致認同樓主，紛紛表示好恐怖和好嘔心，「嘩，聽見都想嘔」、「其實諗吓都會覺得反胃」，有人關心樓主「你有冇繼續食」。不少人都覺得是家庭教育問題，認為「上樑不正下樑歪」、「佢全家都係咁，下次伯母叫你去佢屋企打邊爐，千萬不要去」。有好奇網民詢問樓主女友「咁同其他普通朋友打邊爐有冇試過咁？」、「如果人哋倒返落去，佢係咪依然食得好安樂？」。有網民認為如果二人要繼續拍拖，樓主要向女友解釋這種習慣有欠衛生和禮儀，希望她之後會糾正這種壞習慣。亦有網民表示理解女友行為，聲稱「我一個人打邊爐都會咁」、「因為不想個湯變淡，又不用浪費啲汁」，但如果跟別人一起打邊爐，這種行為確實是難以理解。

資料來源：香港討論區