港男次次約會都打邊爐 女友突發脾氣投訴＋大叫分手！ ｜網絡熱話
撰文：新假期編輯部｜圖片： 劇照、討論區截圖｜資料來源：連登
港男極愛打邊爐 與暗戀女生首次約會都照打
話說有位港男真的超愛打邊爐，他出post時就指，大學時期每個星期都會至少和朋友打一、兩次，直言「唔打就好似唔聚財咁」。畢業後認識了一位女生，樓主對她產生了好感，於是大膽約會她，首次約會就去了尖沙咀行街，2人相談甚歡，晚餐當然是樓主最愛的打邊爐，樓主見女生笑笑口表示打邊爐OK，就認為對方和自己一樣都喜歡打邊爐，便暗暗加分。
樓主約會女友餐餐打邊爐 女友發爛嗌分手！
後來樓主向女生表白，二人順利成為情侶。拍拖後二人繼續忙於工作，一星期才能見一、兩次，因為樓主平時都是食外賣多，所以難得約會出街食，都會想打邊爐，而每次和女友提出去打邊爐，她都表示OK，令樓主非常開心。後來有一次樓主和女友出街，又想去打邊爐，原以為女友和之前一樣OK，誰知她突然暴走，指樓主個個星期、次次約會都去打邊爐，但其實她根本不喜歡打邊爐，指責樓主「完全唔帶佢去食牛角／壽司郎」，更提出分手！
樓主愛邊爐多過愛女友 無得打邊爐寧願分手
樓主第一次見女友如此燥狂，所以不知所措，直指打邊爐「要食牛有肥牛，要食刺身可以碌魚片魚滑，想食貴價嘢碌蝦、碌鮑魚都得，有啤飲啤、有百事飲百事，不知幾享受」，完全不明白打邊爐有什麼問題，更指責女友之前一直沒有坦白自己不喜歡打邊爐，現在又指責他和她商量。於是樓主上網出post求教，指網上一直有「肯同男仔打邊爐嘅女仔先係好女仔」的說法，現在女友一方面原來不喜歡打邊爐，一方面又騙他，不知該怎辦，更指「到依家佢都未肯搵返我，我真係好愛佢，但如果佢唔同我打邊爐就未必行到落去」，有分手的打算……
網民：唔中意打邊爐都唔係啲咩好女仔
不少網民都是打邊爐粉絲，因此認同「唔中意打（邊爐）都唔係啲咩好女仔」的說法，更直言「一個唔欣賞邊爐既女仔，根本唔知咩叫愛情」，奉勸樓主和女友分手。不過也有網民指，其實不打邊爐，還有很多選擇，「你揀人、人揀你」，有時也應該主動問問女友想吃什麼，而不是每次都「打邊爐好唔好」。最後樓主也有回覆留言，指自己真的和女友分手，「我繼續打我嘅邊爐、佢食佢嘅壽司郎」，希望終有一日能找到真心喜歡打邊爐的另一半。
撰文：新假期編輯部｜圖片： 劇照、討論區截圖｜資料來源：連登
