港女陪男友打機連累對方輸game！以為男友嬲咗 結局神反轉一個暖心舉動感動女友｜網絡熱話

女網友分享與男友打機經歷

最近有女網友在討論區分享與男友打機的經歷，事主與男友打Apex Ranking，「有一場我比人擊倒咗，擋住咗對門，搞到男朋友出唔到去，第二隊就走嚟搞我哋，之後死得幾無辜」，輸game後男友有一段時間沒有出聲，玩多一兩場就不玩，事主指男友平時輸game都會話：「可惜」、「差少少咋」，今次一言不發就覺得男友應該是生氣。

輸game後男友一個暖心舉動

男友感覺到女友也沒出聲，覺得不對路就WhatsApp問女友，事主指知道自己做錯，覺得對方生氣所以不出聲，怎料男友錄了幾段錄音，「我唔會因為打機呢啲嘢而嬲你，因為講真嗰句，我知道你唔勁，係我自己選擇同你玩架嘛，咁如果我選擇同你玩，又要嫌你唔夠勁，又要嬲嘅咁咪係我問題係咪？ 我覺得你唔夠勁嘅話我大不了咪唔同你哋玩，冇原因去因為打機而嬲你，係咪？」 男友解釋沒再玩是因為要改project，事主得悉真相後猶如放下心頭大石。

打機可以令情侶更能確認對方

經過此事後事主覺得打機可以令一對情侶更能確認對方，都可以令一對情侶反面，會導致怎樣的結果，其實都是取決於雙方的態度、溝通和語氣。有網民表示打機只是一場遊戲，本身是一齊求開心的過程，但太認真著重結果只會嘈交，打機只會變成心理壓力同負擔，「一齊打機又超勁嘅，真係好羨慕，btw祝福你哋好好享受遊戲嘅樂趣」、「如果連打機輸都嬲嘅話其實可以分」、「正常都應該要咁，你男朋友好好呀！要幸福！」

資料來源：Dcard